Det er Sogndal som tek seg vidare til neste runde. Det var heimelaget som styrte heile kampen, men sleit lenge med å kome til dei store sjansane. Då er det greit å ha ein spelar som Skaanes i laget som kan skape noko ut av ingenting. Han prøver seg frå distanse, og ballen snik seg inn bak keeperen. Det skulle bli endå vondare for Moss då Andresen vart utvist etter gult kort nummer to. Dei lokale angrepsspelarane til Sogndal avgjorde kampen like før slutt. Trioen Kalstad, Flataker og Nord utfører ei vakker kontring, og punkterer kampen. Reisa til Ullevaal stoppar her for Moss, og Sogndal er vidare til runde fire.