Lyn er klare for 1. divisjon 2024! Dei tilreisande supportarane stormer bana og hiv seg rundt spelarane i raudt og kvitt. Bluss blir tende og fyrverkeri sendt til vêrs, og det spørs om ikkje det blir nokre Lyn-fans som kjem til å feire i Ålesunds gater i kveld. For ein jobb Jan Halvor Halvorsen og co har gjort med denne gamle storheita! Ulsteinvik blir det derimot lite å glede seg over når det gjeld fotball. Hødd rykker altså ned i 2. divisjon etter berre eitt år på nivå 2. Etter ein god start på sesongen glei dei lenger og lenger ned på tabellen, men til trass for ei bra avslutning som hindra direkte nedrykk må dei ta den tunge vegen ned. No blir det interessant å sjå kva grep klubben Hødd gjer, for det som har blitt levert av Joachim Dragsten og co i år har ikkje vore godt nok.