Hødd rir av AaFK-stormen og tek seg vidare til 3. runde av NM! Det var ein jamn og tett match, der laga hadde kvar sine perioder. Bortelaget var klart best før pause, og skapte nok til å gå i føringa. Etter kvilen var det lenge tamt, før Hødd tok over meir av initiativet den siste halvdelen, men utan at det vart mål ut av det. Hødd var det førande laget også over i ekstraomgangane, og sånn sett var det ingenting å seie på at Andreas Televik sendte blåtrøyene opp i 1-0. Etter dette vakna Aalesund, men til trass for vedvarandre press og eit par store sjansar klarde dei aldri å utlikne. No blir det spanande å sjå kven Hødd skal møte i 3. runde, og korleis det vil gå. Sebastian Eide takkar med dette for følgjet. Ha ein fin kveld vidare!