I kveld fekk me sjå ein kamp mellom to lag som likar å spele artig og angrepsvillig fotball! Det var store sjansar i begge endar, noko som sluttresultatet tydeleg viser. Sarpsborg tok leiinga tidleg med Opseth, men etter det vart det Sogndal som styrte resten av omgangen. Jonsson og Twum sine scoringar snudde kampen. Det skulle bli enda tyngre for bortelaget når Flo heada inn 3-1. Så kom opphentinga. Det vart Opseth-show på Fosshaugane når han fullførte hattricket sitt med 3-2 og 3-3. Like før slutt klarte kaptein Flo å setje ballen i eige mål, og Sogndal er dermed ute av cupen. Det blir kvartfinale på Sarpsborg 08 sjølv om dei ikkje vil vere nøgde med store delar av kampen.