Referat
Kun høydepunkter
Heimelaget tek tre svært viktige poeng, etter Mats Solheim sitt mål i andre omgang. Spelarane takkar Saftkokaradn for støtta, medan dei blåkledde gjestene ruslar skuffa i garderoben. Laget kjempa tappert gjennom 90 minutt, men får ikkje poeng for heiderleg innsats.
Kamp slutt Slutt (1-0)
90+1'
Frisparket går opp i feltet, men heimelaget ryddar unna.
90+1'
Frispark til Sarpsborg på midtstreken. Skal dette bli lagets siste sjanse?
90'
Utspark frå målet til Heier, og gjestene flyttar opp spelarar.
90'
Det er lagt til minimum to minutt.
88'
Sarpsborg jaktar 1-1 no!
86'
Kjempesjanse for Sogndal! Lang ball mot Flo i feltet. Ballen går ut til Halvorsen som prøver å skyte frå 20 meter. Ballen går over! Cato Hansen fortviler, etter at han stod heilt aleine til venstre i feltet. Der burde heimelaget scora 2-0 målet!
83'
2812 tilskodarar ser kampen.
82'
Nok ein gong kan Mats Solheim bli matchvinnar for Sogndal. Den tidlegare Stryn-spissen er blitt høgreback i Sogndal, men veit framleis kvar målet står.
80'
Berge med pasning mot Wiig, men Hovland bryt foran. Godt stopparspel av kapteinen.
78'
Hjørnespark
Solheim avklarar.
78'
Spillerbytte
77'
Hjørnespark
Elvis ryddar opp.
77'
Keeper Heier er langt ute, og Halvorsen får ballen. Han prøver å lobbe over forsvaret og i mål, men ballen blir blokkert.
75'
Fin sjanse for Sarpsborg. Gjæver skyt hardt frå 25 meter - rett på Udjus!
74'
Hopen klinkar til frå 30 meter med venstrefoten. Utanfor!
72'
Spillerbytte
72'
Halvorsen i sentrum no! Blir lagt i bakken på sekstenmeterstreken, men dommar Kjensli vinkar spelet vidare.
72'
Ny stor sjanse for Sogndal! Nok ein gong er Halvorsen på hugget. Han får ballen i feltet og skyt - like utanfor!
71'
Halvorsen med kjempesjanse mot gamle lagkameratar! Han spelar vegg med Flo og klinkar til frå åtter meter. Kjemperedning av Heier!
70'
Hopen tek frisparket - bak mål.
69'
Gult kort
Etter taklinga på Hansen.
69'
Cato Hansen dreg seg fri nede ved dødlinja, og blir lagt i bakken av Heieren Hansen. Frispark i god posisjon.
69'
Akkurat no er Sogndal over streken i Tippeligaen, med Sarpsborg på plassen foran.
68'
Fin ball mot Wiig, men spissen er i offside. Frispark.
67'
Jonvik skyt frå 35 meter - rett i Hovland!
65'
Tore Andrè Flo tek eit hardt drag på 15 meter. Får vi sjå 38-åringen på bana snart?
64'
Viktig scoring for Sogndal som med tre poeng vil klatre heilt opp i ryggen på dagens motstandar, med ein kamp mindre spelt.
62'
Spillerbytte
61'
Mål!
1-0
Halvorsen slår inn i feltet, og Hansen får gitt til Solheim som er på rett plass inne i feltet, og set inn 1-0 frå kort hald!
60'
Kampen er heilt open. Her kan begge lag ta med seg alle poenga!
58'
Ulrik Flo gjere seg klar for Sogndal.
58'
Hjørnespark
Elvis avklarar.
57'
Hjørnespark
Scheel avklarar til ny corner.
57'
Solheim slår inn frå høgre, men ballen går heilt ut til Kader som kjem stormande ned langs venstrekanten. Han slår tilbake i feltet, men Hansen når ikkje opp i duellen mot sterke midtstopparar.
54'
Hjørnespark
Keeper Heier heng høgt, og plukkar enkelt.
54'
Aabrekk kjeftar på Espen Olsen, og får svar tilbake frå tribunen: - Byt han ut dao, veit eg!
52'
Matland prøver seg med eit frekt skot, men det går over.
52'
Frispark til gjestene midt på Sogndal sin banehalvdel.
51'
Tore Andrè Flo i oppvarming, og publikum ventar spent om dei får sjå Flonaldo i aksjon i dag.
50'
Matland skyt med utsida av venstrefoten, men skotet går over!
49'
Supportarane frå Sarpsborg skaper god stemning på tribunen.
48'
Hjørnespark
Forsvaret får avklart.
46'
Ingen av laga har gjort byter i pausen.
46'
Sogndal tek avspark.
Start 2. omgang Start 2. omgang
Då er laga klare for andre omgang.
Dommar Trygve Kjensli bles av for første omgang. Sarpsborg opna klart best, men heimelaget kom betre med etterkvart ut i omgangen. Kampens største sjanse hadde Cato Hansen, aleine med keeper Joacim Heier. Avslutninga gjekk utanfor, og dermed står det framleis 0-0 på Fosshaugane.
Slutt 1. omgang Pause (0-0)
45'
Hjørnespark
Ballen går ut til Hansen som skyt frå 20 meter. Over!
45'
Det er lagt til minumum eit minutt.
44'
Hjørnespark
Nok ein gong over alle i feltet og til utspark frå mål. Opp med presisjonen, gut!
43'
Laga har hatt kvar sin halvdel av første omgang. Etter at gjestene var best dei første 25 minutta, har heimelaget dominert dei siste minutta.
43'
Halvorsen får ballen i feltet, men skotet frå ti meter blir blokkert.
42'
Cato Hansen har ikkje scora på over 30 tippeligakampar i karriera. Spørst om det var desse tankane som kom fram aleine med keeper..
40'
Kjempesjanse for Cato Hansen som kjem aleine med keeper Heier! Resten av forsvaret er parkert, men den lynraske spissen set ballen utanfor!
38'
Brytekamp mellom Berge og Olsen. Den vinn Sogndal-spissen, men pasningen vidare frå Kader mot Hansen er for upresis.
36'
Spillerbytte
33'
Hjørnespark
Stor sjanse for Sogndal. Nok ein fin corner frå Hopen og Solheim er høgst i feltet. Han avsluttar - like over!
33'
Roberts ligg nede for telling og går av bana for å få behandling.
33'
Flo slår inn, og Berge avklarar til corner.
32'
Sogndal er inne i sin beste periode i kampen akkurat no.
31'
Hjørnespark
Sarpsborg får avklart.
30'
Hjørnespark
Hopen slår ein god corner inn i feltet. Heieren Hansen er først på ballen ,som går i tverrliggjaren! Ny corner.
29'
Solheim legg inn til Halvorsen som avsluttar på mål med pannebrasken. Offside.
27'
Ole Jørgen Halvorsen stormar mot mål, men Heieren Hansen får avklart i det Sogndal sin toppscorar skal skyte! Heimelaget sin første sjanse i kampen.
26'
Kampens første corner etter 25 minutt..
25'
Hjørnespark
Over heile feltet, og til utspark frå mål.
25'
Gjæver skyt, men Hovland blokkerer skotet frå 30 meter.
23'
Heimelaget er framleis i feriemodus, og let gjestene styre kampen på Fosshaugane.
21'
Gult kort
Holding i trøya.
21'
Jonvik prøver seg med eit frekt skot frå over 40 meter, men Udjus som står langt ute let seg ikkje lure! Keeperen plukkar ballen lett ned.
20'
Mange av tilskodarane på tribunen er nok komne for å sjå Tore Andrè Flo i aksjon. Mest truleg får 38-åringen sjansen på slutten av kampen.
18'
Sist gong Sarpsborg vann i Tippeligaen var mot Aalesund 19.mai. Kjem neste siger i dag?
17'
Flo med lang ball mot Hansen, og keeper plukkar lett.
16'
Wembangomo prøver seg på høgrekanten og stormar inn i feltet, men Kader skjermar ballen inn til Udjus.
14'
Frispark av Matland, men keeper Udjus boksar ut.
14'
Framleis Sarpsborg som trillar ball, og har vore nærmast scoring til no i kampen.
12'
Kader kjem gjennom på venstrekanten, men prøver å finne Elvis utanfor sekstenmeteren. Pasningen er for svak, og gjestene bryt.
11'
Dommar Kjensli dømmer i dag sin andre tippeligakamp i karriera. No får han kjeft av Scheel, som meiner han burde hatt innkast i duell mot Wiig.
10'
Hovland viser klasse, og taklar Roberts på veg gjennom på høgrekanten.
9'
Dagens kapteinar er Even Hovland og Kjetil Berge.
8'
Gjæver får ballen på 25 meter og skyt. Utanfor!
6'
Kader prøver å finne Hansen, men Heieren Hansen les spelet godt og bryt foran.
5'
Gjestene har opna friskt dei første fem minutta, og legg press på heimelaget.
5'
Wiig og Roberts kombinerer fint. Ballen går ut til Gjæver som skyt, men får ikkje skikkeleg treff.
3'
Trenar Aabrekk rasande alt etter to minutt. Vil ha meir trøkk og press på ballførar i laget sitt.
2'
Sarpsborg trillar ball dei første minutta.
2'
Sogndal legg om formasjonen og går frå 5-2-3 til 5-3-2 i denne kampen.
1'
Gjestene tek avspark.
Avspark Start 1. omgang
Spelarane på veg ut på bana!
Gjestene må i dag klare seg utan Øyvind Hoås, Berat Jusufi og Tom Erik Breive. Hos heimelaget er det også nokre skader. Henrik Furebotn og Eirik Bakke er blant desse.
Spelarane er i full gang med oppvarming. Nærmar seg kampstart på Fosshaugane!
16-åringane Stefan Aase og Peter Aase signerte denne veka for Sogndal, og er klar for spel for klubben frå 1.januar 2012. Dei skal ta til på vidaregåande skule i saftbygda. Duoen har vore innom aldersbestemte landslag, og er rekna som fylkets største fotballtalent for tida.
Vi kjem tilbake med meir informasjon når det nærmar seg kampstart, søndag kl.1600.
Sogndal spele treningskamp mot 2.divisjonsklubben Førde på tysdag, og vann 2-1 etter mål av Ulrik Flo og Espen Olsen. Der spelte også Tore Andre Flo, 17 år etter sist gong han spele kamp for klubben. Får vi sjå gamle Flo-finter på Campus søndag?
For gjestene er Øyvind Hoås laget sin toppscorar med fem mål. Spissen vart sett ut av spel grunna skade, men er no i gang med opptrening. Hos Sogndal er Ole Jørgen Halvorsen mestscorande, med sine fire nettkjenningar. Skal har klare å score mot sin gamle klubb?
Sarpsborg 08 er einaste laget i Tippeligaen som ikkje har vunne på bortebane denne sesongen. På sine åtte kampar står laget med 0-3-5, medan Sogndal har 2-2-3 på sine sju heimekampar.
Viktig kamp for begge lag. Gjestene har to poeng ned til Viking på nedrykksplass, medan Sogndal framleis er tabelljumbo med sine 12 poeng.
Sogndal er det laget i Tippeligaen med færrast scora mål. No møter dei Sarpsborg, som er det laget i avdelinga med flest baklengsmål, 31 i talet.
Hei, og velkommen til Sogndal - Sarpsborg 08 frå Fosshaugane Campus!