Referat
Kun høydepunkter
Avslutningstatistikken vår viser 15-9 til heimelaget, men 5-5 i skot på mål og då er det vel greitt med 3-3 i målprotokollen. Stig Anders Hauge takkar for seg og ynskjer velkomen tilbake ved eit seinare høve.
For eit drama på Haugadn. Sarpsborg kjem tilbake etter 3-1 til Sogndal etter førsteomgang. Lund Nielsen blir den store helten, men det spørs om eitt poeng er for Lite for østfoldingane som no er tre poeng bak Molde i sølvkampen. For Sogndal var dette npok endå surare då dei på ny rotar vekk ei tomålsleiing på heimebane. No er dei likt med Tromsø, men nordlendinganeligg framleis på kvalikk grunna dårlegare målskilnad.
Kamp slutt Slutt (3-3)
90+5'
Stangast ut.
90+5'
Frispark til Sarpsborg.
90+4'
Avslutning utafor.
90+4'
Endar i eit kast.
90+3'
Sogndal får eit frispark som skal slås inn i boksen.
90+3'
Står og vippar her no. Sarpsborg trykkjer på framover som kan gje Sogndal rom.
90+1'
Spillerbytte
90+1'
Fire minutt tillegg.
90+1'
Sarpsborg held fram trykket. Går for tre poeng her østfoldingane.
90'
På ny rotar Sogndal vekk poenga i sluttminuttane og på ny rotar dei vekk ei tomålsleiing på heimebane.
88'
Mål!
3-3
Sarpsborg trykkjer på. Lang ball inn i boksen som ser ut til å gå ut, men Diatta får headda den inn i boksen til Lund Nielsen som fislar ballen på mål. Den går via Steiring og set ut Dyngeland. For eit drama!
88'
Veldig trøytte sogndalspelarar no. Sarpsborg trykkjer på.
86'
Spillerbytte
86'
Spillerbytte
85'
Har du sett! Der skal Sarpsborg ha straffe! Ballen inn i Sogndal sin boks. Ramsland ropar på frispark og ballen treff handa hans, men Kjensli bles ikkje. Heldige der Sogndal.
85'
Gult kort
Hans sjette denne sesongen.
85'
Ramsland og får eit relativt billig kort. Ikkje konsekvent her no Kjensli.
83'
Men Sogndal vinn eit frispark etter ein dytt i boksen.
83'
Sarpsborg med power-play no.
82'
Koomson ser sliten ut og mistar ballen over sidelinja.
81'
Hjørnespark
Sogndal klarerar og kontrar.
81'
Heading via ein sogndalspelar til corner.
80'
Frispark til Sarpsborg i god posisjon.
80'
Spillerbytte
80'
Gult kort
78'
Nei! Blir gult. Rar situasjon forresten. Kjensli dømmer fordel og Mortensen plukkar opp ballen med henda. Det skal være hands og frispark til Sogndal, men Kjensli dømmer frispark til Sarpsborg. Samtidig skal sogningane være glad dei er elleve mann på bana.
78'
Hovland ufattelig seint ute. Blir det raudt?
77'
Ballen dett ned til Koomson på elleve meter som trillar ballen nokre centimeter utafor. Nære no Koomson.
76'
Albech med feilkast. Er det mulig? Gjev Sogndal ein god sjanse her då Teniste skal kaste langt.
76'
Birkelund med skot som Kristiansen held lett. Sogndal kjem til avslutningar sjølv om Sarpsborg styrer ein god del av banespelet.
74'
Spillerbytte
73'
Koomson igjen frampå, men nokre eter utafor igjen.
73'
Kristiansen ute og snappar. Prøver å sette igang på Diatta, men ballen går ut over sidelinja.
72'
Kjapt frispark som endar i innkast for Sogndal.
71'
Halvorsen er seint på Rindarøy. Eksakt samme situasjon som Birkelund. Ingen kort. Dette er svakt Kjensli.
70'
Sogndal er frampå, men Koomson sitt skot frå sekstenmeteren går nokre meter til side for mål.
68'
Hjørnespark
68'
Gult kort
det betyr at bergensaren må stå over neste kamp for Sogndal.
68'
Birkelund seint inne og får kortet. Relativt billig.
67'
Alle spelarane minus Kristiansen er inne på Sogndal sin halvdel. Dessverre for østfoldingane blir det ingenting ut av angrepet.
65'
Sogndal får klarert frisparket.
64'
Hovland lagar eit nytt unødvendig frispark som Sarpsborg skal curle inn i feltet.
63'
Sogndal med lågare press og då får endeleg Sarpsborg småspele litt inne på heimelaget sin halvdel. Endar dessverre med at Diatta går i offside.
62'
Ramsland i knallharde duellar med sarpborgforsvaret. Kraftig irriterte dei blå no som prøvar å snakke eit kort på spissen utan gehør frå Kjensli.
61'
Glimrande kontring av Sarpsborg. Diatta skjer innover og gir til Heintz som frå tolv meter skyt like over.
60'
Chidi med skot som går utafor. Kristiansen prøver å sette i gang bakfrå, men Sogndal stenger alle moglegheiter slik at keeperen må slå langt.
58'
Dyngeland ute og plukkar.
58'
Nytt frispark til Sarpsborg. Frå same posisjon som reduseringa kom.
56'
Askar og Diatta prøver seg på Wæhler, men kjmpen berre stirrar dei i senk.
55'
Hjørnespark
Hovland stangar ut.
54'
Mål!
3-2
Frispark til Sarpborg som Heintz legg fint i bakrom. Der er Lund Nielsen heilt fri og stangar lett inn reduseringa. Svært dårlig markering av Sogndal der.
53'
Fine kombinasjonar av Sogndal, men Bye er i hårfin offside.
52'
Sarpsborg kjem på ei kontring, Rindarøy kastar seg inn og stoppar Halvorsen. Sistnemnte går lett i bakken og skrik på frispark. Unødvendig av den tidlegare sogndalspelararen då Rindarøy knapt var nær han.
51'
Spørs om Geir Bakke har hatt eit tordentale og det spørs om det har hjulpe. Sarpsborg slit framleis kraftig med å etablere noko spel. SOgndal skal og ha skryt for den enorme løpsviljen dei legg ned.
49'
Hjørnespark
Endar i femmeter for Sarpsborg.
48'
Tek det kort Sogndal og får etterkvart spelt seg fram til ein corner.
48'
Frispark til heimelaget midt inne på Sarpsborg sin halvdel etter ein duell.
48'
Fin overgang for Sogndal, men Koomson får ikkje gitt frå seg ballen.
46'
Sarpsborg med avspark. Sogndal held fram det høge presset.
Start 2. omgang Start 2. omgang
Då er vi klar for andre omgang frå Fosshaugane Campus.
For ein omgang på Haugadn! Sarpsborg tok leiing etter fem minutt og såg ut til å ha god kontroll på kampen, men Sogndal kriga seg inn igjen og med ein enorm arbeidsinnsats så klarte dei faktisk å putte tre scoringar bak Kristiansen. Kampen er derinmot ikkje over for kvalitetane i dette sarpsborglaget er store og eg personleg nektar å tru at Sogndal kan halde dette tempoet i det deffansive arbeidet heile kampen.
Slutt 1. omgang Pause (3-1)
45+2'
Frispark til Sarpsborg der dei faktisk får til ei avslutning på mål. Den går imidlertid rett på Dyngeland.
45+1'
Eitt minutt tillegg.
45'
Sarpsborgfrispark som blir curla inn i feltet, men igjen er Sogndal først på ballen.
42'
Gult kort
Diatta sitt første for sesongen.
42'
Diatta inne med knottane på Teniste og får kortet. Signaliserar mykje av omgangen dette for Sarpsborg. Det går rett og slett for seint.
39'
Mål!
3-1
For ei kontring av Sogndal. Vinn ballen på eigen halvdel. Stormar i angrep og Ramsland slepp ballen til Rindarøy som chippar ballen over Kristiansen. Kvalitet!
39'
Slit veldig her no Sarpsborg med å få til sitt gode pasningsspel. Brukar nok og litt for mykje tid med ballen og det passar hissige sogningar bra.
37'
Heilt klart Sogndal som har initiativet i kampen akkurat no. Spring rett og slett Sarpsborg i senk. Skal bli spananade å sjå kor lenge sogningane kan holde oppe intensiteten.
35'
Blir stangar ut, men Chidi får sjansen frå sekstenmeteren. Han dunkar den ca. ti meter over.
33'
Sogndal med ekstremt høgt press no. Heilt oppe på Sarpsborg sin 16-meter.
32'
Hjørnespark
Ramsland avsluttar utafor.
31'
Chidi ligg nede med ei skade, men ser ut som han kjem seg raskt igjen.
30'
Hjørnespark
Wæhler stangar vekk.
29'
Litt av ei endring i kampen dette. Då må Sarpsborg opp å jage mål og det passar nok Sogndal betre enn å måtte styre spelet sjølv.
26'
Mål!
2-1
Her skjer det! Sogndal vinn ballen sentralt i bana etter fleire duellar. Greenidge tek med seg ballen inn i mellomrommet og gjev til Koomson som på 20 meter vender vekk Askar og dunkar ballen til høgre for Kristiansen.
25'
God temperatur her no. Askar ber Eirik Bakke om å halde kjeft etter nokre duellar på nede ved innbyttarbenken.
25'
Wæhler sitt første mål i sogndaldrakta det. Kan bli viktig no når Tromsø har tatt leiinga i Bærum.
24'
Gult kort
24'
Greenigde feller Mortensen som nesten sistemann. Den er oransje, men han slepp unna med gult.
22'
Mål!
1-1
Har du sett! Sogndal med innkast og etter mykje klabb og babb og kanskje ein straffesituasjon eller to så dett ballen ned framfor beina på ringreven Wæhler som dunkar ballen i mål.
21'
Nytt godt innlegg frå Rindarøy og Askar får stussa ballen vekk.
17'
Kjempeangrep av Sogndal. Rindarøy stormar rundt på kant og legg inn til Birkelund som står åleine på elleve meter, men presterer eit skot som det ikkje bør snakkast høgt om. Feil mann på rett plass for Sogndal der.
15'
Hjørnespark
Wæhler stangar ut før Halvorsen får sjansen frå 18 meter. Brenn den over.
15'
Sogndal har fått lite til offansivt. Blir mykje langt opp og der er spesielt Rosted konge i lufta.
12'
Høgt tempo her i starten og det gjer at begge lag ser seg nøgt til å slå mykje langt. Dette passar dei to laga sine midtstoggarar ganske godt.
10'
Diatta i løpsduell med Wæhler. Rundar veteranen, men ei god skiltakling gjer at Sogndal slepp med skrekken.
9'
Fin balltrilling av Sarpsborg, men Sogndal er hissige og vinn fort ballen. Kan derimot bli tungt for sogningane om dei skal jage slik heile kampen.
7'
Mykje klabb og babb i feltet, men Sogndal får ingenting ut av det.
6'
Frispark til Sogndal som skal svingast inn i feltet.
5'
Mål!
0-1
Kort corner og Sogndal vert satt ut. Halvorsen dreg av to sogndalspelarar og legg inn til Diatta som ruvar høgast på bakerste stolpe. Draumestart for Sarpsborg 08.
4'
Hjørnespark
4'
Langt innkast frå Teniste. Eit av Sogndal isne angrepsvåpen dette, men Kristiansen er fint ute og plukkar mot store Greenidge.
3'
Askar på venstreback og ALbech på høgreback ser vi no.
2'
Mykje langt frå begge laga i starten. Høgt press gjer at ingen av laga tørr å bygge opp noko bakfrå.
1'
Lang ball opp frå Hovland som Rosted stangar ut. Andreballen plukkar CHidi opp og sender den ut over dødlinja.
Avspark Start 1. omgang
Trygve Kjensli og kapteinane Mortensen og Hovland vert einige om at det er Sogndal som tek avspark i denne første omgangen.
Midthjell får blomstrar for flott innsats dei siste ni åra. No må han hugse å vinke med flagget og ikkje blomstrane i kveld.
Straks klart for avspark frå Fosshaugane. Haustmørke er i ferd med å senka seg over sognebygda. Opphald og ca. 10 grader, men temperaturen er synkande. Perfekte forhold for litt god Eliteseriesdrammatikk her på slutten av sesongen.
Eidaren Sven Erik Midthjell på linja har i dag sin siste kamp på linja i norsk toppfotball. 33-åringen skiftar ut flagget med bleiskift og våkennetter. På motsatt side har vi derimot ein nykommar. Kristoffer Gullhav frå Arendal gjer i ein alder av berre 21 år sin debut i Eliteserien. Vi håpar dei får ein god avskjed og ein god debut i kveld.
Laga er klare! For Sarpsborg erstattar Albech Thomassen på venstrebacken. I tillegg er viktige Rosted tilbake i midtforsvaret og Anders Østli tar plass på benken. For Sogndal er det og nokre endringar. Rindarøy er tilbake frå skade og kjem inn på backplassen slik at Birkelund kan spele sentralt i staden for suspenderte Hove.I tillegg erstattar Bye Schulze på topp.
To ganger Bakke møtes på sidelinja i dag. Så får vi sjå kva lag Geir og Eirik dreg opp av hatten. Vi har i alle fall svar til dykk ca. ein time før kampstart. Vel møtt!
Sidan Sarpsborg 08 sin historie berre strekk seg tilbake til 2008 har ikkje desse laga møttes så ofte. Men østfoldingane har hatt god kontroll i Sogn der dei har vunne tre av dei sju oppgjera mellom laga. To har enda uavgjort og Sogndal har vunne to. Den siste kom i fjor då eit nedrykkstrua Sogndal klinka til med ein 3-0 siger etter scoringar av Ramsland, Sveen og Koomson.
Sogndal har ingen nye skadeproblem. Sveen er framleis ute mens Hove må sone for gule kort. I tillegg kan årets spelar frå 2016, Cristophe Psyche være på veg tilbake frå langtidsskade. For Sarpsborg er Joachim Thomassen ute etter at han fekk sitt femte gule kort mot Stabæk.
Stor nedtur for begge laga sist helg. Sogndal slapp inn eit mål heilt på slutten mot Lillestrøm og tapte 1-0, mens Sarpsborg rota vekk ei tomålsleiing og fekk berre med seg eitt poeng heime mot Stabæk. Dette var nok kampar som kan bli utslagsgivande i både botn og toppen av Eliteserien i år.
I år som i fjor kjempar Sogndal for å halde seg i noregs øvste divisjon, men i motsetnad til i fjor så kjempar Sarpsborg om medaljer. Østfoldingane er berre eitt poeng bak Molde på sylvplass. Sogndal ligg på plassen over kvalikk med berre eitt poeng ned til Aalesund og to til Tromsø.
Hei og velkomne til den 26. runden i Eliteserien. Dagens kamp frå Fosshaugane Campus er mellom Sogndal og Sarpsborg 08.