Det vart overkøyring på Fosshaugane i dag! Ein strålande gjennomført førsteomgang sørger for at det står 4-0 til pause, og då er mykje av jobben gjort for Sogndal. Flataker scorar tidleg i kampen, og han skulle ikkje bli den einaste unge spelaren som scora i dag. Mathias Øren headar inn 2-0 på eit frispark, og får sitt første mål for Sogndal. Baidoo skulle også få seg ei scoring før pause, i tillegg til at Flataker set inn sitt andre for dagen. Det blir rolegare etter pause. Memedov får eit trøstemål for bortelaget før Hintsa scorar sitt første mål i OBOS-ligaen. Det blir altså 3 fortjente til poeng til Sogndal i dag!