Det endar 1-1 på Fosshaugane, og det er ikkje fine ord som blir ropt ut mot spelarane frå tribuna etter kampslutt. Dette har vore den svakaste kampen Sogndal har spelt på heimebane i år. Levanger tok leiinga tidleg med Stakset etter ein kjempetabbe frå Eriksson. Dei første 20 minuttane dominerte bortelaget, men heimelaget tok meir over då det nærma seg pause. Etter 53 minutt kom utlikninga frå Hintsa, og då såg det ut som at Sogndal skulle klare å få med seg tre poeng. Dei hadde mange sjansar etter utlikninga, men rota mykje framfor målet. Morten Sætra vart den store spelaren i kampen i dag, og kom sigrande ut av dei fleste duellar med Sogndal sine angrepsspelarar. Levanger kan vere nøgde med eitt poeng i dag sjølv om det såg ut som at dei kunne få med seg alle tre tidleg i kampen.