Det vart festfotball på Fosshaugane i dag. Kampen opna ganske jamt, men etterkvart skulle heimelaget vise at dei ville avslutte vårsesongen med eit godt resultat. Det var Nessø som skulle bli den største helten i dag. Han fekk to mål i ein førsteomgang der Sogndal ikkje var spesielt mykje betre enn Jerv. I den andre omgangen skulle det bli meir einvegskøyring. Både Ingimundarson og Ørjasæter fekk seg mål før reduseringa kom med Brenden. Den reduseringa hjelpte lite når Nessø fullførte hattricket sitt kort tid etterpå. Kanskje var det at Grønner og Pedro var ute som gjorde at det vart vanskeleg for bortelaget framover i bana, men det var også store problem bakover i bana. Jerv må bruke ferien godt på å finne ut kva som gjekk gale.