Der er det over på Koteng Arena! Det ender med 0-1 til dei tilreisande. Gjestene tar dermed med seg alle 3 poenga heim igjen til hovudstaden. Heimelaget opna kampen klart best, og kunne ha gått opp i leiinga med ein stor dobbeltsjanse i det 6.minuttet. I staden er det Vålerenga som går opp i leiinga etter 16 minutt, då Stefanovic styrer eit innlegg frå Thomsen enkelt i mål. Resten av omgangen pregast av etablert spel og foregår uten dei heilt store sjansane. Jøsendal er nære på å sette inn utlikninga idet vi entra overtida, men laga går til pausen med leiing til bortelaget. I 2.omgang går vertene rett i strupen på gjestene, men slit med å komme til store sjansar. Bortefansen ropar på mål då ballen endar i klypene til Christensen på streken etter klabb og babb i feltet til heimelaget, men kula var aldri over streken. Gjestene får likevel ein ny stor sjanse til å auke leiinga til 2-0 då Thea Bjelde fellast, men Stefanovic sette straffen like utanfor stolpen. Heimelaget etablerte eit massivt press i sluttminuttane, men lukkast ikkje med å sette kula i mål. Dermed er det Vålerenga som tek med seg alle 3 poenga og viser med det at dei skal gi SK Brann kamp om serietittelen i Toppserien 2022. Håkon Albretsen takkar for følget og ønsker alle ein strålande laurdag vidare.