Referat
Kun høydepunkter
Då enda det 0-0 her på Høddvoll. Ranheim er nok mest fornøgde med det, då Hødd var best totalt sett, og skapte flest sjansar. Begge laga sleit stort i avslutningsaugneblinkane, og dermed var vel 0-0 eit passande resultat. Trønderane beheld dermed tabelltoppen, medan Hødd har ramla ned ein plass, til 4. Takk for fylgjet!
Kamp slutt Slutt (0-0)
90+6'
Stene er klar. Han skyt i muren, før returen blir avslutta utanfor. God sjanse!
90+6'
Frispark til bortelaget på 27-28 meter. Er det bortelaget som skal vinne i dag?
90+5'
Gult kort
Feller ein Ranheim-spelar på veg framover.
90+5'
Sandal finn Diomande på fem meter, men spissen headar utanfor! Der burde det ha stått 1-0!
90+4'
Sandal med frisparket.
90+3'
Gult kort
Får berre gult kort for situasjonen der Diomande var gjennom frå spiss vinkel. Det kortet burde definitivt hatt ein annan farge! Svakt av Tennøy.
90+3'
Kaos her! Diomande fossar gjennom, og blir grisetakla av Lindberg.
90+2'
Frispark til Hødd på ca 30 meter. Sandal og Nilsen står klare. Førstnemnte skyt, men rett på Lindberg. Svakt utnytta igjen.
90+1'
Nok ein dødball til Ranheim. Brede Moe skal slå den opp. Hødd får rydda unna, så vidt.
90+1'
Torset prøvar å finne Mork i bakrom, men pasninga blir for unøyaktig.
90'
Reginiussen slår inn, men Brandal får sparka kula unna.
89'
Heltne feller Stene. Frispark midt på Hødd sin halvdel.
89'
Heltne speler til Diomande som prøvar å vende, men i staden lagar Hødd sin nr 14 frispark.
88'
Stilson slår inn, men Moltu klarerar flott.
87'
Hødd prøvar og prøvar, men Ranheim-stopparane Sandvik og Moe har rydda opp gong på gong.
86'
Andreas Lindberg skyt ballen rett utover sidelinja. Hødd overtek.
86'
Hødd rullar opp, og Vegard Heltne får avslutta. Diverre for han glir ballen av foten og utanfor. God sjanse!
84'
Spillerbytte
84'
Spillerbytte
84'
Ranheim er farleg frampå, men blir stogga av ei offsideavvinking.
82'
Hjørnespark
Blir klarert og Hødd kontrar. To Hødd-spelarar spring i kvarandre og øydelegg den sjansen.
82'
Latifu og Klock rotar, og Ranheim får corner.
81'
Brede Moe med frispark. Hødd overtek og prøvar å kontre, men forsøket til Diomande blir for planlaust.
80'
No er det Latifu sin tur til å kaste. Endar hos Kazeem som mistar ballen.
79'
Innkast til Ranheim. Endar hos Klock som klarerer rett i beina på Stilson. Heldigvis for Hødd rekk han ikkje å avslutte.
78'
Vegard Voll viser at han kan judo og legg Kazeem i bakken! Frispark til Hødd. Heltne slår den innover på første stolpe, der Lindberg fort får kontroll. Svakt utnytta.
77'
Vi er inne i ei dauperiode av kampen no. Det er langt mellom dei store sjansane.
76'
Michael Stilson får frispark midt på bana etter røff behandling frå Brandal. Blir slått langt opp, men Klock får heada unna.
75'
Endar i nok eit kast. Ballen endar i boksa, men Ranheim får klarert.
75'
Hødd-innkast 7-8 meter frå cornerflagget.
74'
Brandal prøvar å kome til innlegg, men blir stogga.
73'
Heltne med innlegg. Lindberg plukkar.
73'
Nok ein gong er heimepublikummet ueinig i ei avgjersle frå Tennøy. I dette tilfellet var det Kazeem som synda.
71'
Spillerbytte
71'
Torset med eit farleg innlegg som Ranheim får klarert. Hødd har hatt mange gode innlegg, men aggressiviteten i boka har vore altfor dårleg.
70'
Latifu med innkast for Hødd.
70'
Spillerbytte
70'
Karlsen blir spelt fri av Sandal, men skyt langt utanfor på volley. Assistentdomaren var uansett oppe med flagget og vinka for offside.
68'
Robert Stene har sett fart i Ranheim. Innbyttaren har varta opp med farlegheiter ved fleire høve allereie.
67'
Innkast til Hødd høgt i bana. Karlsen prøvar å kome seg fri, men mistar ballen utover sidelinja.
67'
Det er heimelaget som har initiativet no, men samtidig er Ranheim hissige på kontringane. Det er heilt ope her!
66'
Latifu kjem seg nok ein gong fri på kanten sin, men alle medspelarar går på første stolpe samtidig som ballen går utover i feltet, slik den skal gjere.
65'
1310 tilskodarar på Høddvoll i dag.
65'
Hødd kontrar, og Karlsen og Diomande er nære på å tråkle seg fri.
63'
Frispark til Ranheim midt på bana. Blir enkelt klarert av Latifu.
63'
Spillerbytte
62'
Hjørnespark
Endar i eit innkast for Ranheim.
61'
Nære på for Latifu! Backen kjem seg fri på høgrekanten, og i staden for å legge inn prøvar han eit lurt skot i nærmaste hjørne. Andreas Lindberg er likevel med på den.
61'
Brandal slår inn til Diomande som prøvar eit brassespark, men sistnemnte treff ikkje ballen.
60'
Kazeem vinn returen og kjem seg ned til dødlinja, men førtifemgraderspasninga hans går endar ikkje i ein god sjanse.
59'
Fleire spelarar står klare. Karlsen skyt den håplaust rett i muren.
58'
Gult kort
Litt i strengt kort for fellinga på Diomande.
58'
Diomande fossar framover og blir felt rett utanfor boksa.
57'
Latifu prøvar å slå ballen kjapt opp, men sender den over kortlinja bak Lindberg.
56'
Frispark til Hødd midt på bana. Stopparane blir sendt oppover, Nilsen skal slå. Går forbi alle.
55'
Daniel Krogstad vendar flott opp og går mot mål, men også avslutninga frå han går lagt utanfor. Avslutningsdugleikane har ikkje vore mykje å skryte av så langt i kampen!
53'
Diomande dreg seg flott innover i bana, men nok ein gong er avslutninga frå høddarane alt for dårleg. Ballen går eit godt stykke utanfor.
50'
Hjørnespark
Fleire gode sjansar for Hødd på rad! Diverre for heimelaget blir det for mange spelarar på lite plass, og alle forsøka blir blokkert, før det siste frå Moltu går over.
50'
Hødd med fleire gode avslutningsmogleheiter på ein overgang, men fleire feilval fører til at det einaste som kjem ut av det er eit skot langt over mål. Nok ein gong er det Sandal som er sist på ballen.
47'
Hødd-frispark på ca 30 meter. Går rett i muren, før Nilsen skyt langt utanfor på ein slags volley.
47'
Sandal med ein lur stikkar til Kazeem, men ballen blir litt for hard og vingen når den ikkje før den går over sidelinja.
46'
Ranheim sparkar i gong dei siste 45 minutta.
Start 2. omgang Start 2. omgang
Då står det 0-0 etter 1. omgang her på Høddvoll. Heimelaget har vore best, samt at dei også har skapt dei fleste sjansane, men Ranheim har også vore farleg frampå ved fleire høve. Vi ser fram til ein spanande 2. omgang!
Slutt 1. omgang Pause (0-0)
45'
Diomande prøvar seg på venstrekanten, men mistar ballen utover sidelinja.
44'
Gult kort
Skubbar til Nilsen etter å ha fått frispark. Unødvendig.
43'
Nok ein dødball til Ranheim. Denne gongen midt på bana.
42'
Ranheim med frispark på kanten av 16-meteren. Legg ballen rett i muren, før Hødd får teke over den.
42'
Sandal skyt rett i muren og ropar på hands, men domaren let spelet gå. Nilsen får tak i ballen og får lagt inn på bakerste stolpe, der Ruben K. Brandal skyt langt over på volley.
40'
Frispark til Hødd i ganske bra avslutningsposisjon. Sandal, Karlsen og Nilsen står klare.
40'
Diomande dreg seg laus, men avslutninga hans frå god posisjon skrur mange meter utanfor.
39'
Ranheim held presset oppe i Hødd si boks, men kjem ikkje til ein opplagt sjanse.
39'
Domar Tennøy i hardt vêr på Høddvoll no! Først blir Kazeem nekta det som såg ut som eit soleklart frispark rett utanfor Ranheim si boks, før han gir eit relativt billeg frispark til bortelaget.
38'
Mads Reginiussen med frispark for bortelaget. Ballen dalar inn til Nyland som plukkar lett.
36'
Tverrleggarskot! Michael Karlsen tek ned ballen og flikkar Erik Sandal elegant gjennom. Indreløparen lempar ballen i tverrleggaren og over!
35'
Frispark til Hødd midt på bana. Ballen dalar inn til Lindberg som får gå opp utan noko form for press.
33'
Hjørnespark
Nyland plukkar, og får samtidig frispark.
33'
Kjempesjanse for Ranheim! Jo Sondre Aas får springe gjennom på ei bakromspasning, og Nyland må varte opp med ei god redning på det harde skotet.
31'
Hjørnespark
Hødd overtek ballen etter litt klabb og babb.
31'
God sjanse for Ranheim! Eit frispark blir slått inn til Oviasu som går opp i duell med ein Hødd-spelar. Nære på at han får heada på mål, men han vinn ein corner.
27'
Frispark til Hødd i bra innleggsposisjon. Endar etter kvart med at Kazeem puttar ballen i mål, men assistentdomaren signaliserer for angrep på keeper.
26'
Hjørnespark
Endar i ingenting.
24'
Diomande kjem seg åleine gjennom, men blir stoppa av domar Tennøy. Det såg ut til å vere eit veldig billeg frispark.
22'
Nok ei bra moglegheit for Hødd! Brandal vinn ballen i Ranheim si boks og spelar til Sandal. Indreløparen rekk å vente på at ballen kjem ned, men han blir for panisk i skotaugneblinken og ballen skrur utanfor.
21'
Sandal prøvar å lobbe gjennom Karlsen, men nok ein gong er Ranheim sitt midtforsvar på hugget.
20'
Ranheim har slitt veldig i midtbaneleddet så langt, og Hødd har fått tredd seg gjennom akkurat slik dei vil. Diverre for blåtrøyene har det stoppa litt opp på siste tredjedel av bana.
18'
Sandal speler opp på Karlsen, men spissen mistar ballen kjapt.
17'
Jo Sindre Aas kontrar, men Akeem Latifu følgjer han som ein klegg og får til slutt tak i ballen.
15'
Karlsen prøvar seg nok ein gong på eigen hand, og nok ein gong mistar han ballen. Liten tvil om at han har lyst til å vise seg fram!
13'
Kazeem fossar framover, men 45-graderspasninga hans treff berre eit Ranheim-bein.
12'
Hødd har vore klart best dei 10-11 første minutta, og dei har kome til to gode sjansar også, men samtidig har Ranheim vore farlege på kontringar.
9'
Ranheim er farleg frampå, men ei klarering i siste liten hindrar at Oviasu kjem til eit skot frå god posisjon.
7'
Stor sjanse for Hødd! Heimelaget kontrar, og Erik Sandal rullar til Kazeem som kjem heilt åleine på høgrekanten. Diverre for Hødd tek han eit touch for mykje, og skotet blir for svakt.
7'
Michael Karlsen avanserer flott, men han blir for egoistisk når han nærmar seg Ranheim-målet og bortelaget får stogga han.
5'
Erik Sandal får springe fritt framover, og frå 18-19 meter skyt han like over. God sjanse!
4'
Ranheim prøvar å kontre etter Hødd sitt mislukka frispark, men heimelaget får rydda opp.
4'
Ossei Oviasu er hardhendt i nok ein duell. Hødd får frispark.
3'
Johannesen med innkast. Krogstad mistar kontroll på ballen og Hødd får utspark.
2'
Klock stussar og Diomande avsluttar frå eit par meters hald, men assistentdomaren vinkar av for offside.
1'
Hødd sendar opp laget. Nilsen skal slå langt.
1'
Ranheim er aggressive, og Heltne Nilsen får frispark.
1'
Ranheim byttar side, og Hødd sparkar i gong oppgjeret.
Avspark Start 1. omgang
No kjem laga på bana!
Dagens domar er Jan Morten Tennøy frå Nore Neset IL. Han blir assistert av Ivar Michael Jahr frå Gjøvik-Lyn SK og Joakim Knapstad frå Eikefjord IL.
På Høddvoll er det fantastisk vêr, med sol og varmegrader. Bana er kjempeflott.
Dagens kamp blir spesiell for Hødd sin Michael Karlsen. Spissen var på utlån frå Rosenborg til Ranheim førre sesong, og på seks kampar scora han tre mål. Til Sunnmørsposten seier han at 'Det hadde vært en drøm for meg å kunne avgjøre kampen til vår fordel. På hjemmebane kan vi slå hvem som helst, og det skal vi fortsette med. Jeg gleder meg veldig til kampen.'
Ranheim har tilnærma full tropp å velje frå til denne kampen. Det einaste minuset for Aasmund Bjørkan og co er at den veldig gode stopparen Simen Wangberg blei henta tilbake til Rosenborg etter å ha vore på lån til Ranheim.
Hødd manglar framleis Dag Roar Ørsal, medan Victor Grodås er på veg til å bli frisk att. Det var lenge knytt usikkerheit til om toppscorar Adama Diomande skulle starte, men han er altså 'fit for fight' og er blant dei 11 utvalde.
Aasmund Bjørkan er like konservativ som Nilsen, og det er dei same 11 som startar i dag som også gjorde det i førre runde, 3-0-sigeren mot Mjøndalen.
Hødd-trenar Lars Arne Nilsen har gjort minimalt med rokkeringar på laget hittil i sesongen, og den einaste endringa på dagens Hødd-lag sidan førre kamp er at Noregs U21-keeper Ørjan Håskjold Nyland har teke over keeperplassen frå Jan Lennart Urke.
Hødd og Ranheim har møttest fire gongar sidan 2000-talet. I 2001 knuste Ulsteinvik-laget trønderane 6-2 på bortebane i NM, medan dei i 2007-sesongen begge var i 2. divisjon. Den gongen enda det 1-1 på DnB NOR Arena, mens Hødd vann 3-2 her på Høddvoll. Det siste oppgjeret mellom laga fann stad i ein treningskamp før 2008-sesongen. Også den kampen var målrik, med tre scoringar til kvart lag.
Ranheim og Asker er dei einaste laga som ikkje har tapt så langt i divisjonen, og totalt står Aasmund Bjørkan sitt lag med 4-5-0. Borte frå DnB NOR har dei 1-3-0. Sigeren kom i første runde mot HamKam.
Hødd har 3-5-1 så langt, og på Høddvoll er statistikken 3-1-0. Faktisk er blåtrøyene ubesigra her i seriesamanheng sidan 2009, rett nok med storparten av kampane i 2. divisjon.
Både Hødd og Ranheim har imponert så langt i sesongen. Dagens heimelag ligg før dette oppgjeret på 3. plass med 14 poeng, medan Ranheim toppar med 17. Begge laga har 16-10 i målskilnad, så med siger i dag kan faktisk Hødd ta over tabellteten frå trønderane.
Hei og velkomen til det som utruleg nok er eit toppoppgjer i Adeccoligaen!