Det endar 2-2 på Høddvoll etter ein vanvittig spanande kamp! Hødd leverte ein strålande 1. omgang og gjekk til pause med 2-0-leiing etter mål av Visted og Myrlid. Gjestane kom derimot ut med ny glød etter kvilen og Lehne Olsen sørgja for redusering etter få minutt. Etter dette skjedde det faktisk ikkje så mykje av farlegheiter, før det tok meir fyr siste 25 minutta. Begge laga hadde gode sjansar å score på, men det måtte faktisk ei straffe til før Lillestrøm skulle få utlikninga. Lehne Olsen scora sikkert frå ellevemetersmerket. Totalt sett er kanskje uavgjort eit rettferdig resultat. Bortelaget leiar framleis, medan Hødd i skrivande stund er to poeng bak 2. plassen. Sebastian Eide takkar med dette for følgjet. Ha ein fin kveld vidare!