Referat
Kun høydepunkter
Hødd vinn 3-1 etter ein god sluttspurt. Kampen var lenge jamn og sjansefattig, men etter kvart som 2. omgang utvikla seg blei det meir rom for laga, med påfølgjande sjansar. Heimelaget avanserte dermed til 8. plass på tabellen, medan HamKam ramla frå bronsemedalje til 6. plass. Vi takkar for følgjet for i år, og vel møtt til neste sesong!
Kamp slutt Slutt (3-1)
90+2'
Innbyttar Bredvold er nære på å kome seg åleine gjennom, men ei lang tå frå Grimstad hindrar forsøket.
90+1'
Det blir lagt til minimum tre minutt her på Høddvoll.
90'
Spillerbytte
88'
Mål!
3-1
Kjempekontring av Hødd! Heimelaget set fart, og på få touch blir Torset spelt åleine gjennom. Ein-mot-ein med Rønningen gjer han ingen feil. Det var nok spikaren i kista for HamKam-medalje i år.
87'
Spillerbytte
87'
HamKam farleg frampå. Hødd får med naud og neppe rydda unna.
86'
Spillerbytte
86'
Grodås kjem seg laus på venstrekanten og slår flatt inn foran mål. Nære på at Mork kjem på den.
85'
Ahmed får stå heilt åleine og slå inn framføre HamKam-målet. Uheldigvis for han er det ingen medspelarar som luktar den.
84'
Utruleg nok er det HamKam-fansen som lagar mest liv på tribuna i augneblinken!
82'
Selvmål!
2-1
Grodås slår frisparket frå skrått hald innover mot mål, der det blir stussa bakover av uheldige Håkon Aalmen. Ivar Rønningen er dermed heilt utspelt og Hødd tek på ny leiinga!
81'
Frispark til Hødd i bra innleggsposisjon. Grodås skal slå.
81'
Rise kjem til innlegg. Rett inn til Nyland.
80'
Haanes blir spelt gjennom, men blir avvinka for offside.
79'
HamKam som vil mest no.
78'
Hjørnespark
Like før Aalmen kjem på den rett framføre kassa!
77'
HamKam kontrar, og Emil Dahle skyt over frå 19-20 meter. Bra overgang av bortelaget!
74'
Spillerbytte
74'
Bortelaget med press rundt Hødd si boks, men det endar ikkje i ein sjanse.
72'
HamKam med frispark. Blir slått langt opp. Latifu og Nilsen får rydda opp.
72'
Hødd får frispark og tek det kjapt, og det er like før Sandal klarer å spele Ahmed åleine gjennom.
71'
Spillerbytte
70'
Det ser ut til at Hødd skal gjere eit bytte.
70'
Ahmed prøvar å finne Sandal i boksa, men pasninga kjem for seint slik at målscoraren allereie er vekke når kula kjem.
68'
Bra forsøk av Hødd! Erik Sandal kjem til avslutning frå distanse. Like over!
67'
Med solide leiingar til både Sandefjord, Bodø Glimt og Ranheim må HamKam vinne her på Høddvoll for å kunne ta igjen 3. plassen!
66'
Pål Kirkevold med eit kjempeskot! Spissen skyt knallhardt, og Nyland må reagere veldig kjapt for å hindre scoring. Returen hamnar så i Kirkevold igjen, men denne gongen går ballen over.
65'
Spillerbytte
62'
Mange tøffe duellar og balltap her no. Kan bli tilfeldigheiter som avgjer denne kampen!
61'
Bortelaget med frispark. Edmir Asani headar ikkje langt over. Bra sjanse!
58'
Mål!
1-1
HamKam har utlikna! Borrajo slår inn til Olsen som stussar Dahle fri. Høgrekanten er litt heldig med førsteberøringa og sender Nyland vekk frå målet. Frå veldig spiss vinkel klarer han å pirke kula i mål. Dahle viser så tommel opp mot tribuna, der familien hans, som har teke den lange vegen frå Hamar til Ulsteinvik, sit.
57'
Heltne prøvar å spele fri Ahmed inne i boksa. Ballen trillar i staden inn til Rønningen.
56'
HamKam mistar ballen i farleg posisjon, men Ahmed klarer ikkje å utnytte kontringa skikkeleg.
54'
Forferdeleg regn på Høddvoll no! Underteikna slepp i alle fall å reingjere PC-skjermen seinare.
53'
Hjørnespark
Sandal og Ahmed tek ein kort versjon, og misser med det ballen.
52'
Mål!
1-0
Hødd tek leiinga! Heimelager rullar flott opp, og Heltne slår tilbake til Sandal som kjem stormande. Midtbanespelaren plasserer ballen heilt nede i hjørnet. Flott scoring!
50'
Hjørnespark
Går forbi alle.
50'
Frispark til Hødd i bra innleggsposisjon. Sandal slår bra inn, men ingen i blått kjem først på den.
50'
Bortelaget har opna denne omgangen desidert best! Hødd har hatt nok med å forsvare seg.
48'
Nære på for HamKam igjen! Bortelaget rullar flott opp, og under hardt press set Hagen ballen over frå 17-18 meter.
46'
Kjempesjanse! Rise slår ballen inn i Hødd si boks der den etterkvart hamnar hos Kirkevold. Frå kort hald klarer derimot ikkje spissen å få skikkeleg klem på avslutninga, og Nyland kan enkelt redde.
46'
Rise med frispark.
46'
HamKam sparkar i gong dei siste 45 minutta for i år.
Start 2. omgang Start 2. omgang
No har laga kome på bana igjen!
Det står altså 0-0 her på Høddvoll etter ein sjansefattig og nokså keisam omgang. Dei store mengdene regn må nok ta det meste av skulda for at dei to laga ikkje får spele den type fotball vi veit dei kan så godt. Med ein omgang igjen å spele har HamKam ramla ned på 4.plass på tabellen, medan Hødd ikkje har rikka seg. I aguneblinken ser det ut til at det berre er 8. plassen som er innan rekkevidde for Lars Arne Nilsen sine spelarar. Vi vonar dei siste 45 minutta gir oss nokre minneverdige stunder!
Domar Ahlsen vil inn og ha seg noko varmt å drikke, og dermed blir det berre eitt sekund tillegg i denne omgangen!
Slutt 1. omgang Pause (0-0)
44'
Hjørnespark
Heimelaget får rydda opp.
43'
Bra sjanse for HamKam! Borrajo slår eit nydeleg innlegg inn i Hødd si boks, og frå bra posisjon headar Rise på mål. Nyland må varte opp med ei bra redning for å hindre scoring. Kampens beste moglegheit!
43'
Thomas Lehne Olsen blir spelt fri og kjem åleine mot Nyland, men samtidig som vingen set skotet utanfor, så vinkar assistentdomaren for offside.
42'
Olsen prøvar å finne ein medspelar med ei heading framføre Hødd si boks, men der finn han berre Moltu. Stopparen slit derimot med å halde seg på beina, og det er ikkje langt unna at bortelaget kjem til ein sjanse. Mykje rart som går føre seg på graset no!
37'
Nære på at Hødd rotar det til! Ørjan Nyland skal plukke eit innlegg, men keeperen rotar vekk ballen og Pål Kirkevold er svært nære på å få avslutta godt frå kort hald.
36'
Heltne Nilsen skyt utanfor med venstrefoten. Bra Hødd-spel i forkant.
35'
Pål Kirkevold prøvar seg på ein Paul Gascoigne ala EM '96, men inne i Hødd si boks klarer han ikkje å fange lobben sin igjen.
34'
Emil Sildnes er nære på å kome seg fri i bra posisjon, men indreløparen får ballen for langt fraføre seg og ein Hødd-spelar får ordna opp.
32'
Hødd rullar bra opp, men Ahmed brukar for langt tid på å kome til avslutning, og bortelaget får klarert.
32'
Den første halvtimen har vore svært jamn og sjansefattig, noko det tunge regnveret må ta sin del av skulda for.
31'
Sandal prøvar seg frå 19-20 meter. Ser farleg ut, men ballen skrur nokre meter utanfor.
30'
Mork viser seg flott fram og fintar vekk Rise, men innlegget frå ungguten held ikkje same klasse og bortelaget får rydda opp.
29'
Ivar Rønningen kjem ut og boksar unna. Godt feltarbeid av den rutinerte målmannen.
29'
No er det heimelaget som får frispark. Sandal skal slå langt.
28'
Olsen går for skot. Langt over buret til Nyland.
27'
Frispark til bortelaget i bra posisjon. Olsen er klar.
27'
Gult kort
Sandal med ei stygg takling.
26'
Sandal med frispark. Endar i ingenting.
25'
Kirkevold med avslutning. Eit godt stykke over mål.
24'
Overraskande mange har teke turen frå Hamar for å støtte laget sitt. Briskebybanden er representerte med 13-14 stykke på ståtribuna, medan det også er fleire å finne på ståtribuna. Imponerande!
20'
Bra sjanse for Hødd! Ahmed speler inn til ein umarkert Sandal, men frå 10-11 meter klarer ikkje midtbanespelarane å treffe ballen skikkeleg. Kampens beste moglegheit hittil.
20'
Lie med ei sugande takling på Ahmed. Om ikkje anna, så er det i alle fall gode forhold for sklitaklingar i dag!
18'
Torset med innlegg. Går ut til innkast på motsett dødlinje.
17'
Sandal er nære på å tuppe gjennom Heltne. Eit kvitt og grønt bein kjem i vegen.
15'
Mork med innlegg. Bortelaget får enkelt beina unna.
15'
Hødd med press no.
14'
Hjørnespark
Endar hos Heltne som prøvar ein volley. Skotet går rett opp og HamKam får klarert.
14'
Erik Sandal er nære på å kome seg fri. Nesten ein bra sjanse.
10'
Sildnes prøvar å spele fri Rise, men Mork gjer ein god defensiv jobb og ryddar opp.
9'
Bortelaget med eit farleg innlegg. Hødd får så vidt klarert.
7'
Nære på at HamKam rotar det til! Hødd slår inn i boksa der Rønningen kjem ut og Borrajo prøvar å dempe tilbake til han. Like før ein Hødd-spelar snappar kula.
7'
Jevne Hagen kjem til innlegg. Også han mislukkast.
6'
Heltne Nilsen slår lavt inn, og bortelaget får enkelt klarert.
6'
Sandal blir felt inne på HamKam sin halvdel. Frispark.
5'
Blir teke kort, og endar med at Rise slår eit innlegg forbi alt og alle.
5'
Frispark til bortelaget midt på bana. Lie skal slå langt.
4'
Ahmed er i aksjon igjen, men forsøket på å drage seg fri langs venstrekanten mislukkast.
4'
Ahmed er nære på å spele gjennom Heltne, men eit HamKam-bein kjem i vegen.
3'
Bortelaget med dagens første avslutning. Enkelt for Nyland.
3'
Regnveret skapar litt problem her. Ballen heng igjen ein del, og spelarane slit med å ha kontroll på kula.
1'
Hødd sparkar i gong kampen.
Avspark Start 1. omgang
Det blir også et gjensyn med Oddbjørn Lie for Hødd-publikummet i dag. Den tidlegare AaFK-spelaren var ein stor favoritt under si tid i Ulsteinvik.
HamKam er også litt svekka. Toppscorar Tore Andreas Gundersen sonar karantene, medan Vegar Bjerke er ute med skade.
Hødd manglar fleire viktige spelarar til denne kampen. Adama Diomande, Michael Karlsen, Espen Standal, Ruben Kenneth Brandal, Fredrik Klock og Dag Roar Ørsal er alle ute.
I følgje historikken er dagens oppgjer nokså ope. På 12 kampar har Hødd vunne fem, HamKam fire og tre har enda med poengdeling. Kampen mellom laga på Briskeby tidlegare i sesongen enda med 2-1 til HamKam.
HamKam finn vi altså på 3. plass med 14-9-6. Om alle resultata i dag går imot dei, kan Hamar-laget faktisk ramle ned på 6. plassen.
Hødd ligg før den siste runda på 9. plass med 12-7-10 etter 29 spelte kampar. Med siger i dag kan dei gå forbi Kongsvinger og Bryne og knipe 7. plassen.
Begge lag kan nok sjå positivt tilbake på sesongen som har vore. Hødd hadde som mål å berge plassen i divisjonen, noko dei har klart til gangs. Laget kjempa lenge i toppen, men ettersom Lars Arne Nilsen stort sett har hatt unggutar å velgje mellom har Hødd variert i prestasjonane. HamKam hadde håpa å kjempe i toppen, så dersom laget til slutt endar på bronseplass er nok ikkje alt trist på Hamar.
Det er altså duka for den siste Adecco-kampen i år for begge laga, men det spørs om laga har så altfor mykje å spele om dersom ein ser vekk frå tabellplassering og påfølgjande økonomisk gevinst, då både opprykk og nedrykk er eit godt stykke unna for begge lag. HamKam ligg riktig nok berre tre poeng bak den siste opprykksplassen, men ettersom Hønefoss har 16 plussmål meir kan ein avskrive Tippeliga-spel for Vegard Skogheim sitt lag neste år. Så nært, men akk så fjernt.
Her i Ulsteinvik er det eit forferdeleg regnver i dag. Banemannskapa gjer det dei kan for å få unna vatnet frå bana. Kamp blir det uansett!
Hei og velkomen til sesongens siste seriekamp på Høddvoll, der vertane Hødd tek i mot HamKam!