Referat
Kun høydepunkter
Då er det over i Hafstadparken og Førde kan juble for årets første trepoengar! Den sat til slutt langt inne, men Daniel Kvalvågnes avgjorde på overtid. Til pause leia Førde 3-0 etter tre scoringar av Øystein Myrkaskog. Det såg lenge ut til at dette også skulle bli sluttresultatet, men så vakna Vidar! To kjappe reduseringar signert Carl-Henrik Refvik og Andreas Westly sørga for panikk i Førde-leiren, men dei kunne puste letta ut då Kvalvågnes satte inn 4-2 heilt på tampen. Firda kjem tilbake med meir frå denne kampen på nettsida utover kvelden. Takk for følget!
Kamp slutt Slutt (4-2)
90+4'
Då gjekk lufta ut av Vidar også. No har dei gitt opp. Det går mot årets første siger for Førde.
90+2'
Mål!
4-2
Førde kan puste letta ut! Lund Holm hentar ut sine siste krefter i det han set fart nedover venstrekanten. Han legg inn til Myrkaskog som kan skyte, men i staden trillar han til Kvalvågnes som set ballen kontant i hjørnet. Klassekontring av heimelaget!
90+2'
Refvik kjem enkelt til innlegg frå venstrekanten, men Kvist stangar unna.
90+2'
Myrkaskog med ballen nede ved cornerflagget. Prøvar å få tida til å gå.
90+1'
Det er lagt til fem minutt! Held Førde ut?
90+1'
Spillerbytte
90+1'
Høvring trekk seg innover i bana og skyt, men i nettveggen. No er Førde på hæla.
90'
Og der er det nesten 3-3! Bjerke må i full strekk for å hindre at Vidar utliknar!
88'
Førde såg ut til å ha full kontroll på denne kampen, men i løpet av få minutt er det igjen spenning! Svakt av Førde-forsvaret ved begge måla til Vidar.
86'
Mål!
3-2
Oioioi! No tek det fyr her! Halgunset svingar frisparket inn i feltet, og der stig Andreas Westly heilt åleine til vers og stangar ballen i mål. 3-2!
86'
Bjorshol raidar nedover høgrekanten, men får den med seg sjølv om han vert hindra. Får likevel frispark i staden for fordel.
85'
Skal vi få spenning i denne kampen likevel då? Vidar kastar mange mann i angrep no.
85'
252 tilskodarar i Hafstadparken i ettermiddag.
83'
Mål!
3-1
Nydeleg scoring! Refvik får stå heilt åleine på kanten av sekstenmeteren og det unyttar han! Skotet med innsida av høgrefoten finn det lengste hjørnet til Bjerke. Flott avslutning, men der sov Førde-forsvaret.
82'
Halgunset med eit nytt langskot, men også denne gong vert det for enkelt for Bjerke.
82'
Lund Holm stussar til Myrkaskog som vendar opp og kjem til linja. Førde har fleire mann i feltet, men innlegget går rett i fanget til Egeland.
81'
Bjerke vartar opp med ei skikkeleg TV-redning på eit laust skot frå 30 meter.
80'
Kvist ligg nede for andre gong på kort tid.
80'
Lund Holm dreg til på halv volley, men høgt over mål.
80'
Det går mot ein komfortabel siger for Førde, og Madsen har all grunn til å vere stolt og kry i dag etter fleire elendige resultat i det siste.
78'
Kvalvågnes kjem seg inn i sekstenmeteren og dreg av Randulff før han skyt med venstrefoten. Det er ikke godfoten til Kvalvågnes og Egeland reddar greitt.
77'
Myrkaskog prøvar å slå gjennom mot Lund Holm, men pasningen er for dårleg.
75'
Hyggeleg gjensyn med Moen Taule som har vore ute i lang tid med ein skade.
75'
Spillerbytte
75'
Refvik kjem rundt på venstre og prøvar å slå inn, men forsøket går i nettveggen.
74'
Lund Holm med ein enorm jobb defensivt. Vinn først ballen og får deretter frispark.
73'
Myrkaskog med ballen på høgrekanten, og han driv innover i bana. Han kjem til slutt i ein sopass god posisjon at han prøvar å skyte, men skotet blir blokkert.
72'
Halgunset skyt med venstrefoten frå seksten meter, men rett i Kvist.
71'
Hjørnespark
Endar i utspel for Førde-keeper Christian Bjerke.
71'
Nei, det gjer han ikkje. Han finn Berntsen på venstre som legg inn foran mål. Der er Refvik, men avslutninga går via Rygh og til corner.
70'
Vidar får frispark 35 meter frå mål. Håland står klar. Skal han skyte?
69'
Vi passerer 69 spelte minutt i Hafstadparken og vi har dermed passert halvspelt 2. omgang. Førde har full kontroll på denne kampen.
68'
Kvalvågnes har masse rom foran seg og set fart og Førde kjem tre mot tre. Innbytaren utfordrar Berntsen, men vert stoppa.
66'
Gult kort
Får det etter taklinga som førte til frispark.
66'
Halgunset slår inn med venstrefoten, men dei kvitkledde har kontroll.
65'
Og så oppstår det ein meget diskutabel situasjon! Dvergsdal legg Halgunset i bakken og Vidar får frispark. Men så spørs det om dei heller skulle hatt straffe. Vanskeleg å sjå om det skjedde utanfor eller innanfor, men hovuddommar og linjedommar meiner altså at det skjedde utanfor.
64'
Lund Holm finn Kvalvågnes med ein god langpasning. Innbyttaren dreg til på førstetouchen, men skotet er ufarleg.
62'
Savland takkar for seg. Har vore god i dag, naustedølen. Vart nest sist på både 2-0 og 3-0. Ein anna naustedøl, Daniel Kvalvågnes, kjem inn.
62'
Spillerbytte
62'
Då har Vidar gjort alle sine byter i dag. Det hastar no for rogalendingane om dei skal få med seg poeng i denne kampen.
60'
Gult kort
60'
Spillerbytte
60'
Spillerbytte
60'
Spurkeland forserer framover og trillar vidare til Savland på høgre. Han slår lågt inn foran mål der Lund Holm kjem på eit løp. Dessverre for Førde vert innlegget slått litt for langt inn og Egeland plukkar greit.
59'
Aasen dunkar til frå skrå vinkel, høgt over mål.
59'
Refvik klemmer til frå 17 meter, men Bjerke reddar greit sjøv om han må gi retur.
58'
På dette tidspunktet i 1. omgang hadde Førde scora to mål. Til no i andre omgang har det vore meget sjansefattig.
56'
Hjørnespark
Dårleg utnytta. Utspel for Bjerke.
56'
Berntsen prøvar seg med ein frekkis frå 40 meter! Bjerke får akkurat fingrane på ballen og gir til corner.
56'
Melhus kjem plutseleg heilt åleine på høgrekanten og fører ballen inn i sekstenmeteren. Han prøver å nå Myrkaskog midt framfor mål, men Berntsen les situasjonen og bryt fint foran.
54'
Aasen kjem seg rundt på venstrekanten, og slår inn, men Kvist headar unna.
52'
Spurkeland skyt frå seksten meter, men vert blokkert. Ballen endar til slutt hos Øy som skyt frå langt hald. Enkelt for Egeland.
50'
Westly med ein fin pasning til Ranck på venstresida, men han vart avvinka for offside. Det vil seg ikkje offensivt for Vidar i dag.
48'
Øy utfordrar på venstrekanten, men Bjorshol ordnar opp. Innkast for Førde høgt i bana.
48'
Myrkaskog og Westly i ein kraftduell, og sistnemnde får frispark.
46'
Jakobsen fekk seg ein smell i 1. omgang, og vert igjen i garderoben.
46'
Spillerbytte
Start 2. omgang Start 2. omgang
Då er laga komne ut frå garderoben. Vi er straks klare for 2. omgang.
Då går laga til pause på stillinga 3-0 til Førde! Før denne kampen stod Øystein Myrkaskog med null scoringar så langt i sesongen, men etter 45 minutt i dag har han tre! Det første målet var verkeleg ei perle då han knalla eit frispark over muren og i krysset. Dei to siste etter forarbeid av Vegard Savland. Vidar har styrt spelet i store delar av omangen, men ikkje skapt noko. Mot Stord sist laurdag leia Førde 2-0 til pause, men då vart det til slutt 2-2. Klarer Førde å halde unna i dag? Følg med!
Slutt 1. omgang Pause (3-0)
45+2'
Det er lagt til to minutt. Pause om få sekund.
45+2'
Refvik gir til Flåte, og sistnemnde skyt frå 17 meter - over!
45+1'
Vi er i gang igjen, enn så lenge. Ikkje lenge før det er pause no.
45'
Og så er det Vidar sin tur igjen! Aasen kjem rundt på venstrekanten og slår inn, men heimelaget får rydda unna. Aasen fekk seg ein smell i situasjonen og vert liggande. Stopp i spelet.
44'
Dvergsdal prøvar å finne Myrkaskog inne i feltet, men Vidar får kontroll. Dvergsdal går også i bakken og vil ha straffe, men Sandal seier nei.
43'
Vidar sin største sjanse! Det vert slått ut 45 grader til Refvik som skyt i nettvegen frå meget god posisjon! Den burde du utnytta betre, Refvik.
40'
Mål!
3-0
Hat-trick! Vegard Savland set på turboen og glir gjennom forsvaret til Vidar før han skyt. Egeland må gje retur og ballen landar rett i beina til Myrkaskog. Han gjer ingen feil og då står det 3-0! For ein omgang av Myrkaskog, men denne må vikjen takke Savland for.
39'
Plutseleg står Halgunset heilt åleine på seksten meter. Han avsluttar med innsida av venstrefoten, men skotet vert for laust. Enkelt for Bjerke.
38'
Flåte testar skotfoten, men Kvist får blokkert.
37'
Melhus ligg lågt på Førde si midtbane og fordelar ballane med sin stødige høgrefot. Har også bursdag i dag, rogalendingen. Firda gratulerer!
36'
Savland vert takla i det han set fart. Frispark for Førde langt inne på eigen halvdel.
35'
Aasen prøvar å curle ballen i lengste hjørne frå skrått hold, men treff dårleg med innsida. Utspel frå Bjerke.
34'
Hjørnespark
Bjerke på ein aldri så liten bærtur og taper duellen med ein Vidar-spelar. Ballen vert heada like over mål! Ein ganske stor sjanse!
33'
Hjørnespark
Slår kort til Refvik, dreg av Spurkeland, og slår inn i feltet. Får til slutt corner.
32'
Savland går innover i bana, men han går rett i Westly.
31'
Dårleg slått, og Vidar kan kontre.
31'
Frispark i god innleggsposisjon for Førde og Dvergsdal.
31'
Jakobsen er tilbake på bana, men underteikna vert imponert om han klarer å fullføre kampen. Det ser ikkje ut som at han har det veldig godt.
29'
Eirik Jakobsen får seg ein smell i ankelen og ligg nede. Spørs om han kan fortsette.
28'
Ranck dempar ballen på brystet inne i feltet til Førde-feltet, men Spurkeland kjem inn og avvergar faren før Ranck får skote.
27'
Då Joakim Kvist var ute med karantene sist fekk Vetle Rygh kapteinsbindet. Det har østlendingen beholdt i dag også, sjølv om Kvist er tilbake.
26'
Jakobsen rekk ballen akkurat før den går utover dødlinja, men er sopass i ubalanse at Førde får kontroll på innlegget.
24'
Gult kort
Er for seint inne i ein duell med Spurkeland. Aasen protesterer, men det ser greit ut.
23'
Førde ligg lågt i bana og Vidar får lov til å styre spelet, men dei slit med å spele seg gjennom det kompakte Førde-laget.
22'
Refvik er hissig på grauten og spring i offside.
21'
Spurkeland finn Lund Holm på venstre, men mottaket til finnmarkingen er altfor svakt og bortelaget får innkast.
19'
Hjørnespark
Vert slått på bakerste mot Kvist, og svensken set hovudet til. Enkelt for keeper Egeland.
19'
Øy og Lund Holm kombinerer fint, og Førde får til slutt corner.
17'
Hjørnespark
Godt slått, men ballen vert stussa utover dødlinja. Såg ut som det var Myrkaskog som vart sist på ballen, men Sandal markerer for utspel.
17'
Walaker header ballen ut av og spel. Corner til Vidar.
16'
Sondre Bjorshol går i bakken midt på bana, og Vidar får frispark.
15'
Akkurat no skjer det ingenting i Hafstadparken.
15'
Elles kan vi nemne at dagens dommar er frå Loddefjord IL, og heiter Bjarte Sandal. Med seg på linjene har han Runar Hageland frå Tornado Måløy og Simen Solbakken Skjerven frå Kaupanger.
13'
Ikkje akkurat veldig folksomt i Hafstadparken i dag. Vêret og tidspunktet må nok ta på seg skulda. Og moglegeins resultata til Førde så langt i sesongen.
12'
Bortelaget har kome over opningssjokket og teke over initiativet i kampen, men har framleis ikkje skapt nokre store sjansar.
11'
Aasen og Flåte kombinerer på venstrekanten til Vidar, og Flåte forsøker seg faktisk med eit skot frå veldig skrått hold. Igjen utspel frå Bjerke.
10'
Westly testar skotfoten frå 30 meter, men treff ikkje veldig reint. Femmeter for Bjerke.
9'
Westly prøvar å finne Aasen på venstrekanten til Vidar, men ballen landar hos Walaker og Førde får kontroll trass ein solid sleiv av Førde sin høgreback.
8'
Førde gjekk opp i ei tidleg 2-0-leiing mot Stord sist også, men då vart det 2-2. Klarer dei å halde unna i dag?
6'
Mål!
2-0
Ketchup-effekten! Joakim Kvist får stussa ballen inn i feltet til Eirik Lund Holm som smell til med venstrefoten. Skotet går via ein spelar og dalar til Vegard Savland som slår inn foran mål. Der er Øystein Myrkaskog på plass og set ballen enkelt i den opne buret. 2-0 og for ein start på kampen!
5'
Øy med eit raid framover for Førde, men mistar til slutt ballen rundt 25 meter frå Vidar sitt mål.
3'
Mål!
1-0
For ei scoring! Myrkaskog hamrar til og ballen fyk over muren og i krysset! Du verden for eit treff, og det gjorde nok godt for vikjen. Hans første scoring i år.
3'
Spurkeland med ein susar frå 20 meter, og ballen stussar borti tverrliggaren! Han får også frispark då han blei hindra i skotforsøket. Myrkaskog står klar!
2'
Øy utfordrar Bjørshol på venstrekanten, men får hjelp av Dvergsdal. Endar til innkast.
1'
Då er i vi gang i regnvêret i Hafstadparken.
Avspark Start 1. omgang
Dette er to lag som har imponert i cupen denne sesongen. Førde slo som kjent ut Brann i 1. runde, men tapte neste mot Sogndal. Vidar slo først ut Bryne, og tok også Viking i 2. runde. Sist onsdag møtte dei Vålerenga i Oslo og då vart det 1-3-tap.
Bortelaget må klare seg utan Rogvi Baldvinsson som faktisk er på landslagssamling med Færøyene. I staden for å møte Førde i dag må han ta til takke med å spele mot Kosovo på fredag. Elles er Kristian Høvring klar for Vidar og sit i dag på benken. Han kjem frå Vardeneset i 3. divisjon, men har tidlegare spelt for Mjøndalen i 1. divisjon.
Elles er både Daniel Kvalvågnes og Erlend Moen Taule tilbake frå sine skader. Begge startar på benken.
Heimelaget ligg heilt sist på tabellen, med tre fattige poeng. Mot Stord sist laurdag leia dei 2-0 til pause, men bortelaget snudde det i 2. omgang. I den kampen hadde Førde nok av sjansar til å vinne kampen med god margin. Til dagens kamp er kaptein Joakim Kvist tilbake på laget etter at han sona karantene sist. Det same gjorde Kristoffer Iversen, men han startar på benken. Eirik Flatjord fekk sesongen tredje gule sist og må stå over i dag.
Denne kampen skulle eigentleg blitt spelt søndag 1. mai, men grunna dårlege speleforhold på Førde stadion vart kampen flytta til i dag. Her i Hafstadparken er det kunstgras og perfekte forhold.
Firda ønskjer velkommen til Hafstadparken i Førde og 2.-divisjonsoppgjeret mellom Førde og Vidar.