Det vart ingen cupbombe her i Sogndal, men Fjøra kunne teke leiinga tidleg med Torvanger. Ei superredning frå Holmen Johansen redda Brann. Resten av kampen var einvegskøyring. Måla rann inn i målet til Fjøra. Spesielt Mathisen og Crone herja på høgresida, og stod for mange av sjansane. Finne kom inn mot slutten, og kunne pynte litt på målstatistikken sin. Brann hadde seks forskjellige målscorarar i dag i tillegg til eit sjølvmål frå Fjøra. Fjøra klarte å få med seg eit mål. Johan Flo stod for det. Mot slutten hadde dei eit par sjansar til, men dei var ikkje nøyaktige nok framfor målet. Det vart rett og slett ei enkel gjennomkøyring for Brann som er vidare til runde tre.