Referat
Kun høydepunkter
I kvartfinalene ventar ein heilt annan motstand for Jose Mourinho sitt lag. Atletico Madrid, Bayern Munchen, Barcelona, PSG og Real Madrid er dei klubbane dei kan møte hittil, og i morgon blir det også klart kven av Manchester United/Olympiakos og Borussia Dortmund/Zenit St Petersburg som vil gå vidare. Takk for fylgjet og ha ein fin kveld vidare!
Heimelaget vinn fullt fortent på Stamford Bridge, og det var rett og slett klasseforskjell på laga. Eto'o sette standarden med mål allereie etter fire minutt, og Galatasaray kom seg aldri skikkeleg inn i kampen. Cahill dobla så leiinga rett før kvilen. Chelsea heldt fram med å produsere målsjansar også i 2. omgang, men utan å få utteljing. Galatasaray hadde på si side ingenting å stille opp med offensivt, og til trass for at ei gamal Chelsea-legende spelde på topp klarde dei aldri å truge heimelaget.
Chelsea er vidare til kvartfinalene i Champions League, og det som første engelske klubb hittil.
Kamp slutt Slutt (2-0)
90+2'
Spillerbytte
90+2'
Hjørnespark
Blir teke kort, og endar med at ein spelar i blått går i offside.
90+1'
Gult kort
Er frustert og feller Hazard.
90+1'
Farleg slått, og Drogba er berre eit betre treff unna å sørgje for redusering. Ballen hamnar i staden i armane på Cech.
90'
Frispark til bortelaget midt på Chelsea sin halvdel. Skal dei klare å skape noko heilt på tampen?
90'
Ramires prøvar eit skot, men ballen vrir feil veg og går nokre meter utanfor.
89'
Hjørnespark
Endar med ingenting.
88'
Chelsea igjen! Torres kjem åleine med Muslera, men vel å gå for avslutning sjølv i staden for å passe til ein betre plassert Schürrle. Muslera reddar skotet, og Torres må nøye seg med ein corner. Oppgitt der, Schürrle.
87'
Azpilicueta prøvar å finne Torres med eitt flatt innlegg i boksa, men ballen når aldri fram til spissen.
85'
Spillerbytte
85'
Hjørnespark
Har vore utanfor dødlinja, og bortelaget får utspel.
84'
Nesten for Hazard! Belgiaren dreg seg inn i boksa og bankar til frå litt skrå vinkel. Muslera gjer ei god redning. Corner.
84'
Galatasaray har ballen ein del, men klarer ikkje å gjere noko konstruktivt med den.
84'
Chelsea kontrar og Azpilicueta prøvar til slutt ein lobb. Den går utanfor. Heimelaget kom i overtal der, og burde ha fått meir ut av den.
82'
Drogba får ein fot på ballen inne i Chelsea si boks, men må sjå den forsvinne like raskt.
81'
Spillerbytte
81'
Lampard går for skot igjen, men treff midt på Muslera som får boksa ballen greitt unna.
80'
Hazard blir felt og Chelsea får frispark ved den eine kortsida av Galatasaray sin sekstenmeter.
80'
Sneijder prøvar å ta ned ballen i Chelsea si boks, men misser den med ein gong.
77'
Spillerbytte
77'
Mancini har lukkast verken med pausepraten eller innbytta så langt. Har bortelaget ingenting å kome med her?
74'
Sneijder vender kjapt opp og prøvar å setje i gong eit angrep med ei langpasning. Ballen fyk rett utover sidelinja, og det oppsummerer nok hollendaren sin fotballmesssige nedtur. Ikkje mykje gamal klasse å spore i dag.
71'
Lampard går for skot og set det høgt over mål. Svakt utført av den engelske veteranen.
70'
Frispark til Chelsea i fin posisjon.
70'
Roberto Mancini, som vanleg elegant kledd og med klubbens skjerf rundt halsen, sit smilande og godt plassert i stolen sin. Han verkar rett å slett å ha innsett at Galatasaray møter eit betre lag i dag.
67'
Gult kort
Misser ballen til Azpilicueta og svarer med å trakke han over ende.
67'
Spillerbytte
66'
Bra forsøk for dei blå! Boks-til-boks-spelaren Lampard har teke turen igjen, men engelskmannen klarer ikkje å få nok kraft i headinga frå sju-åtte meters hald. Rett på Muslera.
66'
Veldig tam periode i kampen no. Chelsea er sjølvsagt fornøgde med tingenes tilstand, medan Galatasaray ikkje verkar å ha evnene nok til å gjere noko med situasjonen.
64'
Hjørnespark
Drogba stussar unna, men Chelsea beheld ballen.
64'
Galatasaray-fansen lagar framleis bra med liv på tribunene, men laget på bana klarer ikkje å fylgje opp i det heile teke.
59'
Willian kjem seg fri til venstre og får lagt inn. Muslera plukkar enkelt.
58'
Gult kort
Ivanovic dyttar unna Drogba medvite og får eit greitt gult kort. Kampens tredje, og det andre til Chelsea.
58'
Oscar prøvar seg frå spiss vinkel. Ein liten meter utanfor buret til Muslera.
57'
Drogba klarer ikkje å dempe ein enkel ball og må sjå den trille utover sidelinja. Lite som stemmer for Galatasaray også no.
56'
Innbyttar Bulut får ein liten dytt av Terry inne i Chelsea si boks og går i bakken. Domar Brych vinkar han opp igjen.
54'
Chelsea er meget kloke i presset sitt og vinn ballen i gunstige posisjonar heile tida.
53'
Spillerbytte
53'
Forsvarsspelet som Galatasaray til tider driv med her høyrer rett og slett ikkje heime i europeisk toppfotball.
51'
Godt forsøk for heimelaget igjen! Det er til tide panisk i Galatasaray sitt forsvar, og Lampard utnyttar det ved å spele fri Willian i god posisjon. Brasilianaren prøvar eit kjapt skot, men er under hardt press og klarer berre å setje det rett på Muslera.
50'
Nesten for Chelsea. Hazard går og går og kjem seg heilt inn på fem-seks meter. Ballen hamnar med Oscar, via Eto'o, men avslutninga frå brasilianaren blir blokkert.
47'
Ingen endringar på nokon av laga.
Start 2. omgang Start 2. omgang
Chelsea leiar fullt fortent 2-0 over Galatasaray. Resultatet samanlagt er 3-1, og slik ting har vore dei første 48 minutta er det vanskeleg å sjå korleis Drogba og co skal kome tilbake her. Tyrkarane har slite tempomessig overalt på bana, samtidig som dei har vore rufsete bakover. Likevel, fotballen er rund, og Chelsea-fansen veit betre enn nokon annan at Drogba kan slå til med viktige scoringar sjølv om alt håp ser ut til å vere ute.
Slutt 1. omgang Pause (2-0)
45+4'
Jose Mourinho har bestemt seg for å fare i garderoba og setje på tevatnet, og forlet sitjeplassen sin før omgangen er over.
45+2'
Det blir lagt til minimum tre minutt denne omgangen. Det har vore ein drøss med frispark og stopp i spelet.
45+1'
Burak veivar med arma og treff Hazard i andletet. Heimelaget får frispark.
45'
Hjørnespark
Endar med ingenting.
45'
Galatasaray må no minst ha to mål for å avansere. Slik dei første 43 minutta har gått føre seg er det vanskeleg å sjå korleis dei skal klare det.
42'
Mål!
2-0
Back of the net! Det er engelskmennene som er involverte i det den presise corneren frå Lampard blir knallhardt heada på mål av Terry. Muslera gjer ei god redning, men returen dette berre rett i beina på Cahill som bankar den knallhardt i nettet.
42'
Hjørnespark
40'
Gult kort
Oscar kjem flygande inn i Inan og får eit korrekt gult kort. Ikkje lett for spelarane å forstå seg på Brych sine reglar her, då det verkar å vere vilkårleg kva slags situasjonar han gir kort på.
38'
Nære på igjen for The Blues! Det går fort når dei får tak i ballen og Eto'o klarer å finne ein fremadstormande Willian på sju-åtte meters hald. Brasilianaren må avslutte kjapt og treff dermed dårleg.
36'
Det er faktisk Drogba som gjer seg klar. Ivorianaren skyt frå veldig langt hald, og skotet går høgt over mål. Merkeleg val av bortelaget.
36'
Ivanovic er for tøff med Drogba og bortelaget får frispark i grei innleggsposisjon.
34'
Hjørnespark
Ballen dett etter kvart ned hjå Cahill, men han treff ikkje ballen i det han prøvar å avslutte på volley.
33'
Nære på 2-0! Lampard skyt frisparket inn i boksa og Terry avsluttar over på volley frå 6-7 meters hald. Stor sjanse for stopparen, men samtidig elendig markering av bortelaget.
33'
Nok ein dødball for heimelaget.
30'
Terry vinn den første duellen når ballen blir spelt inn i boksa, men det blir ingenting farleg ut av det.
29'
Frispark til Chelsea midt inne på Galatasaray sin halvdel.
29'
Småpent spel av bortelaget. Melo speler ein slags vegg med Drogba, og førstnemnde får avslutta. Forsøket er ufarleg, og Cech kan overta.
27'
Mange frispark og dårleg rytme i kampen no.
27'
Eto'o set knottane rett i kneet på Chedjou, men slepp unna det gule kortet. Ikkje konsekvent hittil, den godaste Felix Brych.
25'
Hazard dreg seg innover og avsluttar. Muslera reddar greitt.
24'
Galatasaray har ballen ein god del her, men slit med å kome til sjansar. Chelsea er dessutan konstant farlege på sine overgangar.
22'
Nesten for Chelsea igjen! Heimelaget vartar opp med kjapt kortpasningsspel, og Lampard får avslutta frå kort hald. Veteranen er derimot under hardt press og treff dårleg slik at skotet går utanfor.
20'
Oscar prøvar å finne Ivanovic med ei tversoverpasning, men serbaren når ikkje fram.
19'
Gult kort
Og der kom det første gule. Willian prøvar å setje fart, men blir takla overende på ulovleg vis av Melo.
19'
Azpilicueta taklar med heva fot på Melo, men slepp unna med frispark i mot. Brych har definitivt lagt lista høgt her.
16'
Drogba prøvar seg med eit brassespark frå 16 meters hald. Treff ikkje så godt og ballen fyk opp på tribuna.
12'
Eto'o kjem seg inn til dødlinja i Galatasaray si boks med ballen, men innlegget hans når ikkje fram til ein medspelar.
11'
Eboue med ein ettersleng på Hazard. På neste overtramp blir det nok delt ut eit gult kort frå domar Brych.
10'
Ramires har fått seg ein smell og må ta ein kort tur på sidelinja.
10'
Samuel Eto'o har for øvrig vunne Champions League både med Barcelona (2 gongar) og Inter Milan tidlegare. Skal han klare det også med ein tredje klubb?
8'
Sjølv om Chelsea er i føringa allereie endrar ikkje utgangspunktet seg så altfor mykje for Galatasaray. Dei må framleis berre ha eitt mål for å kome a jour.
6'
Drogba blir spelt fri bak Chelsea sitt forsvar, men blir korrekt avvinka for offside.
4'
Mål!
1-0
Pangopning for Chelsea! Heimelaget kontrar og Oscar finn Eto'o foran mål. Kamerunaren rotar litt, men får likevel avslutta. Skotet frå skrått hald sneiar innom ein motspelar før det snik seg i nettet via hanskane til Muslera. Ikkje imponerande forsvarsspel av bortelaget der.
3'
Lang ball bak Chelsea sitt forsvar. Cech kjem ut og måkar kula unna.
3'
Første duell mellom Terry og Drogba. Engelskmannen ryddar opp, men går samtidig i bakken.
2'
Melo kjem for seint inn i Oscar og heimelaget får frispark.
1'
Kveldens domar er tyske Felix Brych. Han dømmer i dag sin Champions League-kamp nr 26.
1'
Då er vi i gong, og ikkje uventa er det bortefansen som gir mest lyd frå seg.
Avspark Start 1. omgang
Begge laga står no oppstilt midt på bana medan Champions League-hymna rungar over høgtalaranlegget.
Chelsea-fansen gir forresten Didier Drogba ein varm velkomst. Gamle bannarar har blitt leita fram igjen, og han mottok også mykje hyllest under oppvarminga.
Tyrkarane har heller ikkje hatt det for lett i det siste, med berre 2-4-0 på dei seks siste i alle turneringar. Spesielt på bortebane har dei slitt med å vinne i den heimlege ligaen.
Heimelaget har vore i brukbar form den siste tida, men dei fekk seg ein kraftig smell på bortebane mot Aston Villa i helga som var. Ei jamn kamp enda til slutt med 1-0-tap, to raude kort og bortvising av Mourinho frå tribuna. Fansen håpar nok å sjå laget sitt frå ei mykje meir positiv side i dag.
Galatasaray manglar på si side Aydin Yýlmaz, Gokhan Zan og Emre Colak.
På skadelista til denne kampen finn vi berre Ashley Cole for heimelaget. David Luiz har returnert og startar på benken. Å unnvere Nemanja Matic (og Mohamed Salah) er også leitt for Chelsea. Begge har spelt i turneringa for andre lag og er dermed ikkje speleberettiga.
Roberto Mancini startar utan Balta og Hajrovic sidan sist laga spelde, medan Kaya og Kurtulus er nye andlet i startellevaren.
Då er begge laga klare. Chelsea gjort to endringar sidan førre møtet mellom laga. Torres og Schürrle har gått ut til fordel for Eto'o og Oscar. Mourinho gir altså nok ein gong rutinerte Frank Lampard tillit frå start.
Når det gjeld utøvarane på bana er det sjølvsagt batalja mellom Chelsea-stoppar John Terry og Galatasaray-spiss Didier Drogba som skil seg ut. Dei to var nøkkelspelarar i London-klubben si mest suksessrike periode i nyare tid, og ingen av dei er kjende for å trekkje seg frå ein nærkamp. Drogba enda på 100 mål på 226 kampar for Chelsea, og avslutta karriera si i London på best tenkjelege vis då han ordna utlikninga og scora den avgjerande straffa i Champions League-finala mot Bayern Munchen i 2012. Terry har på si side kome opp i 415 kampar (og 34 mål) for klubben han har vore i størstedelen av si karriere.
Kveldens kamp byr på flust av duellar. På managersida har vi den heimvende 'Special One' Jose Mourinho mot Roberto Mancini, som er tilbake i England i offisiell fotballsamanheng før første gong sidan han fekk sparken i Manchester City i fjor. Mourinho klarde aldri å føre Chelsea til topps i Europa medan han var der, medan Mancini aldri klarde å ta Manchester City vidare til sluttspelet på dei to forsøka han fekk. Paradoksalt har han altså klart det i sin første sesong i tyrkisk fotball.
Manchester City er ute. Arsenal like så. Manchester United er i krise og ligg under 2-0. Slik det ser ut no er det Chelsea som er Englands store håp for å vinne det gjevaste trofèet i europeisk klubbfotball. Men vegen fram dit er lang, og det første hinderet er Galatasaray, anført av ein viss Didier Drogba, som nok ikkje har noko i mot å vise heimepublikummet på Stamford Bridge at han framleis har mykje å fare med.
Hei og velkomen til livedekning av det spanande åttendelsfinaleoppgjeret mellom Chelsea og Galatasaray. Det meste ligg til rette for at vi skal få nok ei herleg Champions League-førestelling. I den første kampen i Tyrkia enda det 1-1, noko som betyr at Chelsea automatisk er vidare med 0-0 eller siger. Galatasaray må på si side ha minst èi scoring for å ha sjanse til avansement i dag.