Referat
Kun høydepunkter
Sebastian Eide takkar dermed for fylgjet for denne gong. Ha ein fin kveld vidare, og ver klar til meir Champions League-fotball her hjå oss i morgon, 20.45. Det blir fleire godbitar også der!
Luis Enrique sitt lag blir dermed suverene vinnarar av Gruppe E, medan Roma må kjempe med Bayer Leverkusen og BATE Borisov om den siste plassen som gir avansement. Det blir ei meget spanande avslutning på denne gruppa.
Barcelona har smadra Roma heile 6-1 etter ei fotballoppvisning av dei sjeldne. Roma hadde rett nok sine sjansar på gunstige tidspunkt dei også, men det spørs om mål på dei hadde hatt noko å seie for kamputfallet uansett. Messi, Neymar og Suarez fekk sin første heile kamp i lag på nokre månadar og det enda på utsøkt vis. Messi og Suarez fekk to scoringar kvar, medan det brasilianske medlemmet av trioen ikkje heilt hadde dagen framføre mål og brann blant anna eit straffespark. Det speler likevel ingen rolle kven som scorar, så lengje laget scorar.
Kamp slutt Slutt (6-1)
90+2'
Mål!
6-1
Dzeko headar inn eit ubetydeleg trøystemål for Roma.
90'
Nesten igjen! Neymar lengtar etter ei scoring, men lukkast heller ikkje ved dette tilfellet. Skotet frå god posisjon blir blokkert.
85'
Suarez prøvar å tråkle med seg ballen inn i boksa, men mislukkast.
83'
Bom på straffe!
Dzeko sender i veg eit tamt spark som ter Stegen reddar greitt. Roma har heller ingen Adriano som dukkar opp og bankar inn returen.
82'
Straffe!
Dzeko blir obstruert og får ei billeg straffe.
81'
Hjørnespark
Resultatlaus.
80'
Nesten hattrick! Messi kjem åleine igjennom, men Szczesny er raskt ute og får blokkert chippen. Polakken er den einaste som får godkjent karakter av Roma sine spelarar i dag! Corner.
80'
Det er ikkje ofte ein ser forsvarsspel av den kvaliteten Roma har vist i dag. Gong på gong har dei stått høgt med forsvaret utan press på Barcelona sin ballførar. Dermed får heimelaget eit hav av rom å springe i.
77'
Mål!
6-0
Neymar tek ein arrogant halvmeter tillaup på staffa og sender eit svakt skot nokså rett på Szczesny. Keeperen må derimot gje nok ein retur, og heller ikkje ved dette tilfellet får han hjelp av forsvaret sitt. Adriano kjem nemleg først til og bankar kula knallhardt i nettaket. 6-0!
77'
Bom på straffe!
76'
Straffe!
Ucan lagar straffe i si første involvering i kampen.
75'
Spillerbytte
74'
Suarez går i bakken inne i Roma si boks, men domar Cakir seier nei. Er nok svært lysten på eit hattrick, uruguayanaren, men på reprisene ser vi at han hjelp ekstremt mykje til sjølv.
74'
Roma for forresten sleppt inn flest av samtlege lag med sine 15 mål i mot hittil. Det er meir enn tabelljumboar som Dinamo Zagreb, Maccabi Tel Aviv og Astana!
72'
Hjørnespark
Blir teke kort. Barca trillar.
71'
Nære på 6-0! Neymar og Suarez kombinerer fint, og førstnemnde skrur ballen like til side for Szczesny sin venstre stolpe. Har endå ikkje scora i dag, Neymar!
68'
Neymar kjem seg inn til dødlinja med ballen, to meter frå næraste stolpe, men den flate pasninga går forbi alle i feltet.
68'
Maicon slår inn til Dzeko, men bosniaren brukar for mykje armar og får frispark imot.
67'
AS Roma sine største tap i europeiske turneringar er for øvrig 7-1 både mot Manchester United (borte 2007) og Bayern Munchen (heime 2014).
65'
Rett i muren.
65'
Frispark på 17 meters hald.
64'
Spillerbytte
64'
Gult kort
Messi prøvar seg som forsvarar og sparkar ned Iturbe som er på veg framover.
62'
Gult kort
Er frustrert sjølv om han berre har vore nokre få minutt på bana og får det gule kortet etter å ha kome for seint inn i ei takling.
62'
Med ein halv time att å spele kan dette bli ein ekstremt pinleg kveld for Roma.
59'
Mål!
5-0
Playstation-fotball og 5-0! Neymar slår inn til Suarez som prøvar eit slags skot. Det endar i staden opp som ei pasning til Messi som er på veg inn bak Roma sitt forsvar, og argentinaren avsluttar raskt. Szczesny er derimot kjapt nede og får avverga, men returen går rett tilbake til Messi som enkelt kan trille kula i mål.
58'
Spillerbytte
57'
Gult kort
Avles får kampens andre gule kort.
57'
Spillerbytte
56'
Mål!
4-0
Barca gjer som i første omgang: scorar like etter at Roma har svidd av ein stor sjanse! Vertane går hurtig framover og Messi serverer ballen til Pique. Frå få meters hald har midtstopparen ein svært lett jobb med å trille kula i det tome buret.
56'
Stor sjanse for Roma!
55'
Hjørnespark
54'
Eit innlegg blir lempa inn mot Dzeko. Pique får stanga unna.
54'
La Maggica får låne ballen innimellom, men slit med å gjere noko konstruktivt med den.
51'
Hjørnespark
Rakitic får avslutta, men forsøket går over.
51'
Bra forsøk for Barca! Neymar prøvar seg frå utanfor Roma sin sekstenmeter. Szczesny reddar til corner.
49'
Hjørnespark
Blir teke kort, og endar til slutt med at Alves får avslutta ikkje altfor bra midt på Szczesny.
49'
Pique er oppe i motstandaren sitt felt og prøvar å hælsparke igjennom til Neymar. Kvifor ikkje? Corner endar det med.
46'
Spillerbytte
46'
Spillerbytte
46'
Vertane sparkar i gong den andre halvdelen.
Start 2. omgang Start 2. omgang
3-0 fortel det meste om skilnaden på desse laga. Roma hadde rett nok ein stor sjanse på stillinga 0-0, men bortsett frå det har det vore svært einsidig på Camp Nou. Italianerane har gitt vekk mykje bakrom, og det har Neymar, Suarez og Messi utnytta grovt. Suarez ordna det første, Messi det andre, og like før pause hamra Suarez inn nok eit mål på utsøkt vis. Vi gler oss til dei siste 45 minutta, og håpar at vi får sjå endå fleire mål!
Slutt 1. omgang Pause (3-0)
44'
Mål!
3-0
Magnific! 3-0 til Barcelona på utsøkt vis! Roma klarer ikkje å klarere corneren skikkeleg og ballen hamnar i beina på Suarez som ventar eit stykke borte frå mål. På heil volley bankar uruguayanaren til, og ballen fyk inn i nettet bak Szczesny. Increïble!
44'
Hjørnespark
44'
Endar til slutt med at Maicon må klarere til corner etter at Alves prøvar å chippe inn i feltet.
43'
Dødball i bra innleggsposisjon for Roma. Suarez og co får rydda unna. Ei kontring blir sett i gong.
43'
Maicon kjem fram på høgresida og blir felt av Busquets. Sistnemnde er heldig som slepp det gule kortet.
42'
Hjørnespark
Endar med eit frispark til heimelaget.
42'
Roma med farleg forsøk i boksa. Endar med corner.
41'
Roma møter BATE Borisov heime i Italia i den 6. og siste runda av gruppespelet. Med siger der vil dei avanserer sjølv om også Bayer Leverkusen, som også har 5 poeng i skrivande stund, skulle ta tre poeng ettersom dei då vil vere best på innbyrdes oppgjer.
40'
Gult kort
Kjem for seint inn i ei takling.
36'
Hjørnespark
Blir teke kort. Barca trillar.
36'
Neymar fri til venstre igjen. Prøvar å få lagt inn, men må til slutt nøye seg med ein corner.
36'
2-0-målet var for øvrig Lionel Messi sitt første i denne sesongens utgåve av Champions League. I tillegg til dei første 35 minutta her, spelde han også 1-1-kampen borte mot Roma.
34'
Neymar kjem seg åleine i bakrom med ballen i beina, med blir avvinka for offside nok ein gong. Marginalt, i tilfelle.
31'
Litt rolegare periode i kampen no. Roma har ikkje heilt klart å riste av seg sjokket etter dei to scoringane som kom rett etter at Dzeko brann ein kjempesjanse for gjestane.
28'
Rakitic prøvar å hælsparke ballen inn i feltet, men ingen i raudt og blått når den først. Leikar seg her no, Barca!
26'
Florenzi blir forsøkt spelt igjennom, men pasninga blir for hard og endar med utspel frå ter Stegen.
22'
Hjørnespark
Gjestane får stanga unna.
22'
Vanskeleg har blitt til tilnærma umogleg for Roma no. Barca har sprunge overraskande lett igjennom bortelaget sitt forsvar ved fleire anledningar også i tillegg til dei to måla, så dette kan ende med eit stygt resultat til slutt.
18'
Mål!
2-0
Messi kjem åleine igjennom og chippar ballen elegant over keeper og i mål. Flott stikkar frå Suarez i forkant. 2-0!
15'
Mål!
1-0
Barcelona tråklar seg elegant gjennom Roma sitt forsvar, og Suarez får ein meget enkel jobb med å trilla ballen i det tome buret etter pasninga frå Alves. Barca i leiinga!
12'
Hjørnespark
Endar med ein kjempesjanse! Roma tek ein innøvd variant som endar med at ballen blir chippa inn i feltet. Frå seks meters hald headar ein umarkert Dzeko ballen like over.
12'
Nok ein gong speler heimelaget seg fri bak Roma sin forsvarsfirar. Neymar prøvar å slå flatt inn framføre mål, men Szczesny fangar.
10'
Stor sjanse for Barcelona! Messi blir spelt fri i bakrom, men avsluttar like til side for mål.
10'
Nesten at Sergio Roberto får trilla ballen igjennom til Messi. Endar hjå Roma si målvakt i staden.
7'
Lionel Messi får ballen i mål for første gong i kveld, men det blir vinka av for offside. Hårfint.
5'
Hjørnespark
Endar i ufarleg område.
4'
God sjanse for Barca! Messi avsluttar frå 18 meters hald, men Wojciech Szczesny reddar flott. Ny corner.
4'
Neymar slår inn, men det endar med ingenting.
3'
Hjørnespark
1'
Tyrkiske Cüneyt Çakir bles i gong oppgjeret.
Avspark Start 1. omgang
Kampen blir ekstra spesiell for Roma-kaptein Seydou Keita. Spelaren frå Mali enda opp med 119 kampar og 16 mål for katalanarane i perioden 2008-2012. Før han kom til Roma i 2014 var han innom Dalian Aerbin i Kina og Valencia.
Før denne kampen står Blaugrana med åtte strake heimesigrar i denne turneringa. Bayern Munchen var det siste laget som vann her då dei slo til med 3-0 i 2013. Roma har på si side slitt fælt borte frå Stadio Olimpico, og vi må heilt tilbake til 2010 for å finne sist dei tok tre poeng på ein framand stadion.
Forutan 1-1-møtet mellom laga tidlegare i år har Barcelona og Roma møttest to gongar tidlegare i denne turneringa. Det skjedde i gruppespelet i 2002, og katalanarane streva fælt i oppgjera. Her på Camp Nou blei det 1-1 etter scoringar av Kluivert og Panucci, medan romarane slo til med heile 3-0 i den italienske hovudstaden. Emerson, Montella og Tommasi netta for Roma. Barca-trenar Luis Enrique figurerte for øvrig i startoppstillinga for katalanarane, men blei teken av i det 82. minutt utan å ha klart å bidra med stort.
Heimelaget er i best form om dagen, med 5-1-0 på sine seks siste i alle turneringar. Roma har 4-1-1 på tilsvarande antal. Det såg ut til å gå mot tre poeng borte mot Bologna på laurdag, men ei sein utlikning på straffespark øydela.
Rudi Garcia og Roma må på si side unnvere viktige offensive spelarar som Totti, Gervinho og Salah, men heldigvis for deira del har De Rossi rista av seg lårskada si.
Ting ser dermed litt lettare ut for Luis Enrique, som no berre har Mascherano, Rafinha og Douglas ute.
Det gledar nok mange fotballhjarte at det argentinske vindunderet Lionel Messi er tilbake i Barcelona si startoppstillinga for første gong på over to månadar. Barca sin nummer 10 kom inn den siste halvtimen i katalanarane si 4-0-nedsabling av Real Madrid i helga.
BATE og Bayer Leverkusen har allereie spelt uavgjort tidlegare i dag, og dermed er Roma sitt utgangspunkt for kampen i kveld at dei er vidare med tre poeng. Barcelona vil på si side sikre gruppesigeren med poeng.
Hei og velkomen til livedekning av Champions League-oppgjeret mellom Barcelona og Roma!