Referat
Kun høydepunkter
Barcelona får ein bra start på Champions League-gruppespelet med ein solid 4-0-siger over Ajax. Heimelaget tok seg aldri heilt ut, sjølv om dei rett nok auke tempoet etter kvilen og putta på tre scoringar mot éi i første omgang. Lionel Messi blei kampens store spelar med sine tre mål, mens midtstoppar Gerard Pique også kom på scoringslista. Om dette held fram er det nok lite som skal stoppe laget til Gerardo Martino frå å spele finale i Estádio da Luz i mai. Takk for fylgjet, og ha ein fin kveld vidare!
Kamp slutt Slutt (4-0)
90+2'
Hjørnespark
Ajax får ingenting ut av den.
90+1'
Nære på redusering! Boilesen prøvar seg frå distanse, men det er umogleg å score på Valdes i dag, og keeperen fistar kula over.
90+1'
Det blir lagt til minimum tre minutt. Det burde vere meir enn nok til endå eit Messi-mål, det!
88'
Hjørnespark
Endar berre med at Barca overtek kula.
87'
God sjanse for bortelaget! Bojan blir hælsparka igjennom og skjer inn mot mål og avsluttar. Skotet går rett på Valdes som får fista det over. Det vil seg rett og slett ikkje for Ajax i dag!
86'
Hjørnespark
Bartra vinn duellen, men hovudstøytet går like over mål. Vermeer har kontroll.
86'
Messi prøvar seg igjen, men denne gongen går forsøket via muren og over. Corner.
85'
Nok eit frispark i gunstig poisjon for Barca.
85'
Gult kort
Obstruerer Pedro. Korrekt idømt av Moen.
83'
Hjørnespark
Barca vel å halde på kula.
83'
No skjedde det svært mykje på kort tid her, gitt!
80'
Spillerbytte
78'
Spillerbytte
78'
Hjørnespark
Endar i ingenting.
77'
Bom på straffe!
Straffe frå Sigthórsson er verken hard eller velplassert, og Valdes vel rett side og stoppar forsøket. Returen hamnar ut i feltet, men den blir avslutta via ein Barca-spelar og til corner.
76'
Straffe!
Serero stormar inn i Barca si boks. Han chippar ballen forbi Mascherano, og argentinaren svarer med å meie han ned. Soleklar straffe.
75'
Mål!
4-0
Og der blei det 4-0! Når lagkameratane ikkje klarer å få ballen i mål, viser tidenes beste fotballspelar korleis det skal gjerast. Han mottek ballen på 17-18 meter, går eit par steg, tek nokre hoftevrikkar og trillar kula i buret, forbi ein totalt utspelt Vermeer.
74'
Der skal det stå 4-0! Sanchez kjem seg heilt inn til Vermeer, men set avslutninga utanfor. Stor, stor sjanse.
73'
Spillerbytte
73'
Pedro og Xavi kjem inn for Barcelona. Det er ein grei innbyttarbenk heimelaget har!
72'
Spillerbytte
72'
Spillerbytte
71'
Martino skal gjere eit dobbeltbytte.
69'
Mål!
3-0
Corneren blir teke kort, og Neymar går utover i bana før han svingar den inn i feltet igjen. Vermeer kjem ut, men Pique vinn duellen og headar kula kontant i nota. 3-0, og det utan å bruke altfor mykje krefter!
69'
Hjørnespark
Blir teke kort.
69'
Neymar får heada frå fin posisjon inne i boksa, men Poulsen får avverga.
68'
Eit innlegg blir lempa inn mot Messi på bakerste stolpe. Vermeer fangar ballen.
66'
Bortelaget får lov til å trille litt ball midt på bana, men Barcelona ligg kompakte bakover og har full kontroll.
64'
No er det Alves sin tur til å be om straffe etter å ha ramla i graset inne i sekstenmeteren til Ajax. Domar Moen seier nei igjen, og det med rette.
62'
Frank de Boer sitt lag har ikkje fått til noko offensivt denne omgangen.
61'
Sanchez headar ned til Messi like utanfor Ajax sin sekstenmeter, men blir avblåst etter å ha vore litt for røff mot Moisander.
59'
Spillerbytte
59'
Neymar går i bakken inne i bortelaget sin sekstenmeter og ropar på straffe, men domar Moen seier nei. Brasilianaren gjekk veldig lett i bakken der, så den norske pipeblåsaren gjer nok rett også i den situasjonen.
57'
Nesten 3-0! Messi har sjansen til å få hattrick i sin første Champions League-kamp for sesongen, men avslutninga går like til side for mål. Der var Vermeer heilt utspelt.
55'
Mål!
2-0
Busquets skjer innover mot Ajax si boks og slepp ballen perfekt til Messi. Argentinaren dreg av næraste motstandar før han plasserer ballen sikkert forbi Vermeer. Dette blir ei enorm oppgåve for Ajax.
54'
Neymar set opp tempoet og spurtar inn i Ajax si boks. Brasilianaren får diverre ballen for langt i frå seg, og Vermeer kan kaste seg og fange den.
53'
Både Busquets og de Jong blir liggjande etter ein duell. Ajax-spelaren får frisparket, og då blir Busquets plutseleg bra nok til å sprette på beina og gi domar Moen ein skjennepreken. Det er ikkje alltid det er så alvorleg som det først verkar som, nei.
50'
Bra angrep av heimelaget. Alves får lagt inn frå høgre, og det er med naud og neppe at Vermeer får snappa kula framføre Sanchez.
49'
Ajax får halde litt på ballen, men Barca har god kontroll bakover.
47'
Ingen av dei to laga har gjort nokre endringar.
Start 2. omgang Start 2. omgang
Eit Barcelona på lavgir leiar 1-0 over Ajax etter dei første 45 minutta på Camp Nou. Begge lag har skapt gode sjansar, men det er vel ikkje spesielt overraskande at Lionel Messi er den som har klart å få ballen heilt inn i mål. Det skjedde på eit frispark som argentinaren vakkert banka inn via stolpen. Frank de Boer sine spelarar har ei tøff oppgåve framføre seg, men større under har skjedd i fotballen enn at nederlendaren skal kome a jour her. Vi gler oss til ein forhåpentlegvis spanande 2. omgang!
Slutt 1. omgang Pause (1-0)
45+1'
Det blir lagt til minimum eitt minutt her.
45'
Nesten for Messi! Den vesle argentinaren skjer innover mot Ajax si boks og avsluttar frå 16 meters hald. Diverre for heimelaget går skotet rett på Vermeer.
45'
Iniesta med eit godt førearbeid i det han kjem seg inn i boksa og får chippa ballen mot bakerste stolpe. Der klarer Neymar å ta ned kula på kassa, før han bles avslutninga over mål.
42'
Messi snappar tak i ballen like utanfor Ajax si boks og set fart, men bortelaget oppfattar faren kjapt og får avverga.
41'
Noko slapt over Barcelona her, sjølv om dei nok har nokre fleire gir å gå på. Ajax har initiativet, og laget til de Boer har også kome til fleire gode sjansar så langt.
37'
Nære på 1-1! Bojan er arkitekt bak mykje no. Han finn Sigthórsson som blir felt like utanfor Barca si boks, og ballen trillar til Duarte som klemmar til frå 15-16 meters hald. Diverre for bortelaget går skotet rett på Valdes. Domar Moen viser god fotballforståing i det han let Ajax få fordelen, der.
37'
Barcelona med 57% ballinnehav så langt.
35'
Bojan driv fram på venstrekanten, men Mascherano stoppar han med ei bra takling.
34'
Bra moglegheit for heimelaget! Neymar kjem til avslutning i bra posisjon, men Vermeer ligg nede og fangar kula.
34'
Flott Barca-spel i det dei tiki-takar seg gjennom mot Ajax-målet. Moisander stoppar forsøket med ei bra takling.
31'
Stor sjanse for Ajax! Bojan slår nydeleg inn frå venstre, og der kjem Van Rhijn stormande og stupheadar ballen mot mål. Berre ei flott redning frå Valdes forhindrar utlikning på Camp Nou!
31'
Bojan set fart med ballen i beina og avsluttar frå langt hald. Nokre meter utanfor buret til Valdes.
29'
Hjørnespark
Endar i ingenting.
29'
Kolbeinn Sigthórsson kjem seg fri på høgrekanten og sender eit flatt innlegg inn i boksa. Diverre for islendingen er det ingen medspelarar som lukta det.
28'
Bortelaget får låne ballen litt meir no.
27'
Nære på at Ajax klarer å spele seg gjennom Barca-forsvaret med flott kortpasningsspel. Den siste pasninga blir for unøyaktig og øydelegg.
24'
Gult kort
Finske Moisander fekk ein munnleg advarsel for nokre minutt sidan, og når han så nok ein gong er for sein inn i ein duell ser Moen ingen annan utveg enn å vise han kampens første gule kort.
24'
No blir det tøft for Ajax her. Hollendarane har lege svært djupt i starten, og må no heve laget meir om dei skal få til noko meir offensivt. Det kan opne opp roma for kjappe Barca-bein.
21'
Mål!
1-0
Back of the net! Messi småspring mot kula og bankar frisparket inn via Vermeer sin høgre stolpe. Perfekt utført av ballvidunderet!
21'
Duarte med ein etterslengar på Messi. Frispark i bra posisjon for heimelaget!
19'
Også Neymar set fart og stormar inn i Ajax sin sekstenmeter, men Barca sitt storkjøp får ballen for langt foran seg og bortelaget får utspelet.
18'
Alves kjem seg inn i Ajax si boks med ballen, men blir forstyrra og kula sprett inn til Vermeer.
17'
Blir lempa inn bakerst i boksa, der Adriano vartar opp med eit dårleg innlegg som Vermeer enkelt kan plukke.
17'
Frispark til Barca i brukbar innleggsposisjon.
16'
Moisander får tilsnakk frå domar Moen etter å ha kome for seint inn i ei takling.
16'
Hjørnespark
Blir klarert.
16'
Barcelona er nære på å tråkle seg gjennom. Endar med corner.
15'
Det skal bli spanande å sjå kva Ajax kan få til i Champions League denne sesongen. Det har vore svært mange utskiftingar på laget, samtidig som klubben har vore nokså tilbakehaldne med å bruke pengar på nye andlet. Ut har blant andre Christian Eriksen, Toby Alderweireld og Derk Boerrigter gått. Inn har blant andre Lerin Duarte og Mike van der Hoorn kome, i tillegg til nemnde Krkic.
7'
Hjørnespark
Blir teke kort og endar i ein brukbar sjanse for heimelaget. Ballen blir spelt femogførti grader ut, der ein Barca-spelar bommar, før den hamnar hos Fabregas som bles den høgt over mål.
6'
Heimelaget trillar ball innleiingsvis, som venta.
5'
Det er sjølvsagt ein del spenning knytt til Ajax sin spelar Bojan Krki?. Han har aldri klart å slå skikkeleg til i Barcelona, og har dei siste åra vore utleigd til klubbar som Roma og Milan, før turen no har kome til nettopp Ajax. Det spørs om Barcelonistas (Barca sine supporterar) vil at det verkelege gjennombrotet skal skje i dag.
2'
Hjørnespark
Blir teke kort. Iniesta prøvar å drage med seg ballen inn i boksa, men blir stoppa.
1'
Då er vi i gong!
Avspark Start 1. omgang
Eit veldig artig moment for oss nordmenn er at vår eigen Svein Oddvar Moen er dagens kampleiar. Han blir assistert av Kim Haglund og Frank Andås.
Ajax-manager Frank De Boer har på si side minimalt med skadeproblem, og det er gode nyhende at viktige Siem de Jong er tilbake etter skade.
Gerardo Martino har gjort tre endringar på laget sitt sidan førre kamp mot Sevilla. Alba, Xavi og Tello har gått ut til fordel for Adriano, Fabregas og Sanchez. Elles er Pyol, Cuenca og Affelay ute.
Barcelona har som vanleg fått ein bra start i Primera Division, og laget til Gerardo Martino står med 4-0-0 hittil, og berre ein litt svakare målskilnad enn Atletico Madrid gjer at dei befinn seg på 2. plass. Ajax har ikkje gjort det like bra, og fasiten er 3-2-1 og ein 4. plass hittil.
Ajax stod ovanfor ei vanvittig utfordring førre sesong, då dei hamna i daudens gruppe i lag med Borussia Dortmund, Real Madrid og Manchester City. 1-1-4 og tredjeplass blei fasiten der. Dei gjekk dermed direkte inn i sluttspelet i Europa League, der dei blei ein kjapp exit etter samanlagttap mot Steaua Bucuresti.
Sjølv om Barcelona har for vane å gjere som dei vil når dei speler, har dei ein god del å revansjere i forhold til korleis dei blei sendt ut av denne turneringa førre sesong. Bayern München, som til slutt blei meistrar, viste katalanarane ein fotballeksjon av dei sjeldne, og vann 7-0 samanlagt etter 4-0 i Tyskland og, mest smertefullt av alt, 3-0 i Spania.
Amsterdamsche Football Club Ajax, grunnlagt eitt år etter dagens motstandar, i 1900, har også like mange klubbtrofé av det gjeve slaget som Barca. Perioda på starten av 70-talet skil seg mest ut. Anført av Johan Cruyff, som oppnådde legendestatus både i Ajax og i Barcelona, både som spelar og manager, vann de Amsterdammers i 1971, 1972 og 1973. Over 20 år seinare gjentok dei bedrifta. I 1969 og 1996 kom dei på andreplass.
Futbol Club Barcelona, som blei skipa i 1899, har som kjent vore ei verkeleg stormakt i europeisk samanheng dei siste 20 åra, etter at dei i åra før først og fremst gjorde det bra i den nest gjevaste turneringa i Europa for klubblag, cupvinnarcupen. Katalanarane har teke det gjevaste troféet fire gongar etter at dei klarte det for første gong i 1992. Sidan har dei klart det same i 2006, 2009 og 2011. Tapande finalistar var dei i 1961, 1986 og 1994.
Hei og velkomen til livedekning av Champions League-oppgjeret mellom Barcelona og Ajax! Det er duka for eit høginteressant oppgjer mellom to europeiske lag med ei stor historie kvar.